Iobi
38 Ao Iehova e kaekaa Iobi man te angibuaka+ ni kangai:
2 “Antai teuaei ae kamaabubua au babaire
Ao n taetae n aki atatai?+
3 Katauraoiko taiaoka n aron te mwaane,
N na titirakiniko ao ko na tuangai.
4 Ko mena ia ngke I kawenea aan te aonnaba?+
Tuangai ngkana ko taku bwa iai otam n anne.
5 Antai ae bairei abwakina nako, ngkana ko ataia,
Ke antai ae katika te kora ni baire rinukana?
6 A katoroaki i aon tera nibwana,
Ke antai ae kawenea atibuni maninganingana,+
7 Ngke a botaki n tatakarua ni kimwareirei itoi ni ngaina,+
8 Ao antai ae bonota kawain taari n taiani mataroa,+
Ngke e tiinako n aron ae kaanga e otinako man te biroto,
9 Ngke I kunnikaia n taian nang,
Ao n niroaia* n te rotongitong ae matenten,
10 Ngke I katea tiana,
Ao ni kanimwi ni nneia kaini kamatoaana ao mataroana,+
11 Ao I taku, ‘Ko kona n roko n te raroa aei, ao e na aki raka riki,
A na toki ikai naom aika kainikatonga’?+
12 Ko a tia n* tua nakon te moaningabong,
Ke ni kaira te aioota bwa e na ataa ana tabo,+
13 Bwa e na taui tabon aonnaba,
Ao e na ioioiia aomata aika buakaka ni kanakoia mai iai?+
14 E onikaki te aonnaba n aron te bokaboka ae mena i aan te bwai ni kanikina,
Ao a otara teina nako, n aron tein te kunnikai.
15 Ma e anaaki aia oota aomata aika buakaka mairouia,
Ao a oteaki baia ae tei.
16 Ko a tia n ruo rikaaki nakoni koburaken taari,
Ke n neweabaa te ran ae makuakua?+
17 A a tia ni kaotaki nakoim mataroan oon te mate,+
Ke ko a tia n nori mataroan oon te rotongitong ae korakora?*+
18 Ko a tia n ataa buburan te aonnaba?+
Tuangai ngkana ko atai baikai ni kabane.
19 E nga kawain ana tabo ni maeka te oota?+
Ao e nga ana tabo te rotongitong,
20 Bwa ko aonga ni kairia nakon ana aono,
Ao n atai kawaina nakoni mwengana?
21 Ko ataa aei ibukina bwa ko a kamani bungiaki,
Ao e a rangi ni bati am ririki?*
22 Ko a tia n rin n auti ake e kaikoaki iai te tino,+
Ke ko a tia n nori auti ake e kaikoaki iai te karau ae te aiti,+
23 Ake I kawakin ibukin tain te rawawata,
Ao ibukini bongin te aitara ni boo ao te buaka?+
24 E ootanako man te tabo raa te oota?*
Ao e kare mai ia te angimainiku n te aonnaba?+
25 Antai ae e a tia ni korea kawain te ieka,
Ao ni karaoa kawain te nang ni karau ao te baa,+
26 Ni kabwakaa te karau ike akea iai te aomata ni maeka,
Ao n te rereua, ike akea iai aomata,+
27 Bwa e na kamaiui aaba aika aki kona ni maekanaki aika uruaki,
Ao ni kabwebwerakea te uteute?+
29 E otinako mani biroton antai te aiti,
Ao antai ae bungia te tino are mai karawa,+
30 Ngke e a rabunaki te ran kaanga n te atibu,
Ao e a buraoki ni bwanin aon te ran ae makuakua?+
31 Ko kona ni kabaei roobun te nna n itoi ae Kimwa,*
32 Ko kona ni kaira te nna n itoi teuana ni kaotinakoa n ana tai?
Ke ni kaira te nna n itoi ae Aati ma natina nako?
33 Ko atai tuua aika kaira karawa,+
Ke ko kona ni kabonganai tuani karawa n te aonnaba?
34 Ko kona n takarua nakoia naang,
Bwa a na karokoa te ieka n te ran bwa e na rabuniko?+
35 Ko kona ni kaotinakoi itiruan te iti?
Te koaua bwa a na roko ao ni kangai nakoim, ‘Aikai ngaira!’
37 Antai ae tau wanawanana ni wareki mwaitin taian nang,
Ke antai ae kona ni karangai nnen raan ake i karawa,+
38 Ngkana e a bwaro bubun te tano ao n riki ni bwanin,
Ao e a nim te tano ae nibuabua?
39 Ko kona ni kaeman bwa kanan te raian,
Ke ni kanuaiia raian aika ataei ngkana a baki,+
40 Ngkana a wene ni bwangaia,
Ke a kakaran n aia tabo?