Taian Areru
TE MOANI BOKI
(Taian Areru 1-41)
1 E a kukurei te aomata ae aki nakonako n aia taeka n reirei te koraki aika buakaka,
Ao ae e aki tei ni kawaia taani bure,+
Ao ae e aki tekateka n aia kaintekateka taani kakaniko.+
2 Ma e rangi ni kimwareirei n ana tua Iehova,+
Ao e wareware n Ana tua ni karauraua bwanaana* ni ngaina ao ni bong.+
3 E na riki bwa ai aron te aroka ae unikaki i rarikini karaanga n ran,
Ae te aroka ae karikiuaa n taina,
Ao e aki rai baana.
Ao a na nakoraoi bwaai nako aika e karaoi.+
4 Tiaki anne aroia te koraki aika buakaka,
Bon ai aroni kunin te uita ngaiia ae ukakinako n te ang.