Taeka N Rabakau
17 E raoiroi riki kanakin te mwakoro ni kariki ae mwau n te mwenga ae mena iai te rau,*+
Nakon te auti ae bati te baka n amwarake* iai ae raonaki n te kauntaeka.+
2 E na taua aron te nati te mwaane ae kamaamaea te aba te toro ae ataibwai,
Ao e na bwaibwai naba n ai aron ae temanna i buakoia naati mwaane.
3 Te bwaata ae te bwai ni kaitiaki bon ibukin te tirewa ao nnen te ai bon ibukin te koora,+
Ma bon te tia tuoi naano Iehova.+
4 E mutiakina te taetaenikawai ae kammaraki te aomata ae buakaka,
Ao te aomata ae mwamwanaa te aba e kakauongo nakon te newe ae iowawa.+
5 Ane e kakanikoa ae e maiu ni kainnano ao e kauna te tia Karaoia,+
Ao e na boni katuuaaeaki ane e kimwareirei ni kabuanibwain temanna.+
7 E aki tau iroun te nanobaba bwa e na taetaenikawai n te aro ae eti.*+
Ai aki taura riki ngkanne te tia tautaeka* bwa e na kewe n ana taetaenikawai!+
8 Te bwaintangira kaanga ai aron te atibu* ae rangi ni kakawaki iroun are ana bwai,+
Ike e rairaki nako iai ao e a bon nanakoraoi naba iai arona.+
9 E ukera te tangira ane e kabwaraa* te bure,+
Ma ane e kaokioka taekan te baenne ao e karaureia aomata aika kaan aia iraorao.+
10 E korakora riki rotakin te aomata ae ataibwai n te boaaki ae tii teuana,+
Nakon orean te aomata ae nanobaba tebubua te tai.+
11 Bon tii te karitei ae e ukoukoria te aomata ae buakaka,
Ma e na kanakoaki te tia uataeka ae iowawa bwa e na katuuaaea.+
12 E raoiroi riki te kaitiboo ma te bea ae anaaki bunna mairouna,
Nakon ae ko na kaitiboo ma te aomata ae nanobaba i buakon nanobabana.+
13 Ane e kabooa mwin te raoiroi n te buakaka,
Ao e na bon aki nako te buakaka man ana auti.+
14 Moan rikin te un kaanga ai aroni kaukani mataroan te ran.*
Naako imwain rebwetauan te kauntaeka.+
15 A bon uaia n riribaaki iroun Iehova,
Ane e karaoiroa ane e buakaka ao ane e kabuakakaa ane e raoiroi.+
16 Tera bongan ae iai iroun te nanobaba te konaa ni karekea te wanawana,
17 E kaotiota te tangira n taai nako te rao ni koaua,+
Ao boni ngaia te tari ae bungiaki ibukin tain te rawawata.+
18 Te aomata ae aki ataa ae riai,* e iobai ni boraraoi ao e kariaia
I matan raona n aomata bwa e na tabena kabwaraan te taarau.+
19 E tangira te bure ane e tangira te itabarara.+
Ane e karietataa kawaina n rin ao e wewetea te kabuanibwai.+
20 E na aki nakoraoi* aron ane e babakanikawai i nanona,+
Ao ane e taetaenikawai ni mwamwanaa te aba e na bwaka nako nanon te kabuanibwai.
21 E na namakina te rawawatannano ane e riki bwa taman te teei ae nanobaba,
Ao akea kimwareirein taman te teei ae aki ataa ae riai.+
23 E na karaba n anaa te bwai ni kamaraato* te aomata ae buakaka,
Ni kabwaoua iai kawain te kaetitaeka ae riai.+
24 E mena te wanawana i matan raoi te aomata ae ataibwai,
Ma a rerenako matan ane e nanobaba nako tabon nako aonnaba.+
25 E karika rawawatan nanon tamana te nati ae nanobaba,
Ao te marakinnano nakon ane e bungia.+
26 E aki raoiroi katuuaaean* ane e raoiroi,
Ao e ekaanako ae riai kataereaia aomata aika karineaki.
28 E iangoaki naba bwa e wanawana te aomata ae nanobaba ae teimatoa ni kainabwabu,
Ao e iangoaki naba bwa e ataibwai ane e kaini riana.