Taian Areru
Te kaetieti nakon te mataniwi n te anene n te Ierutun.* Ana anene Tawita.
62 N na bon tataningaa te Atua ma te kainabwabu.
E roko kamaiuau mairouna.+
2 Bon au bwaa ngaia ao au tia kamaiu, ao au tabo ni kamanomano ae mano raoi,*+
N na bon aki kona ni kaingingaki n te aro ae korakora.+
3 Ai tii maanra ngkami n ekaanako te aomata bwa kam na kamatea?+
Kam bane ni karuanikai n aron te oo ae raranako, ae te oo ae te atibu ae nangi bwaka.*
4 Bwa a ikotaki ni babaire bwa a na kabwakaa mani nnena ae rietata,*
A kukurei n taekini keewe,
A kakabwaiaa te aba ni wia, ma a karereanti i nanoia.+ (Tiera)
5 N na bon tataningaa te Atua ma te kainabwabu,+
Ibukina bwa boni ngaia nibwani baika I kantaningai.+
6 Bon au bwaa ngaia ao au tia kamaiu, ao au tabo ni kamanomano ae mano raoi,
N na bon aki kona ni kaingingaki.+
7 E boboto kamaiuau ao karineau iroun te Atua,
Bon au bwaa ae korakora, ao au tabo ni kamanomano te Atua.+
8 Onimakinna n taai nako ngkami aika aomata.
Bunrii nanomi i matana.+
Bon te tabo ni kamanomano ibukira te Atua.+ (Tiera)
9 Natiia aomata kaanga bon tii te ikeike,
Natiia aomata kaanga bon tii baika kewe.+
Ngkana a bane ni katokaaki i aon te kainikatine, ao a bebete riki nakon te ikeike ae tii teuana.+
10 Tai onimakina te aonikai ni kuribwai,
Ke ni karekea am kantaninga ae kewe n te iraa,
Ngkana e a rikirake kaubwaim, tai kaatuua am iango i aona.+
11 E a tia n taetae n te taina te Atua, ai uatai au tai n ongo aei:
Ae te korakora bon ana bwai te Atua.+