Taeka N Rabakau
24 Tai bakantang irouia aomata aika buakaka,
Ao tai bwarua te kani mena i buakoia,+
2 Bwa a iaiangoa te iowawa nanoia,
Ao riaia a tataekina kauekeani kangaanga nakoia aomata.
4 Ao rinanon te atatai e a kaonaki ruuna
Ni kaubwai n aekaia nako aika rangi ni kakawaki ma n raraoi.+
5 E korakora te mwaane ae wanawana,+
Ao e karikirakea korakorana te mwaane n te atatai.
6 Ko na waakina am buaka rinanon ana kairiri te aomata ae mwaatai,*+
Ao e reke te tokanikai* rinanoia taan anga te taeka n reirei* aika bati.+
7 E aki kona ni karekea te wanawana ni koaua ane e nanobaba,+
Ao akea te bwai ae e na taekinna ni mataroan oon te kaawa.
8 E na aranaki ane e iaiangoa karaoan ae buakaka,
Bwa te tia bairei iango aika bubuaka ae mwaatai.+
10 Ngkana ko namakina te bwarannano ni bongin te rawawata,*
Ao ane e na karako korakoram.
11 Kamaiuia te koraki ake a kairaki nakon te mate,
Ao ko na tautauia te koraki ake a tatanako nakon te tiringaki.+
Eng, e na ataia Teuare tarataraiko,
Ao e na angan temanna ma temanna boon ana mwakuri ni kaineti ma ana mwakuri.+
13 Natiu, ko na kana aia karewe manibeeru bwa e raoiroi,
E karewe aia karewe manibeeru are nako mani nnena ngkana ko katoongnga.
14 N aron naba anne, ko na ataia bwa e raoiroi te wanawana ibukim.+
Ngkana e reke iroum ao e na nakoraoi arom nakon taai aika a na roko,
Ao e na aki mauna am kantaninga.+
15 Tai riki bwa te aomata ae buakaka ae kakaran i rarikini mwengan te aomata ae raoiroi,
Tai urua ana tabo ni motirawa.
16 Bwa e kona ni bwaka te aomata ae raoiroi itiua te tai ao e na manga teirake,+
Ma a na tatanako n te kabuanibwai aomata aika buakaka.+
17 Tai kakatonga ngkana e bwaka ane e kairiribai nakoim,
Ao e aki riai ni kimwareirei nanom ngkana e tatanako,+
18 Bwa mwina e noria Iehova ao e na aki kukurei,
19 Tai kabonoa nanom* irouia mwaane aika buakaka.
Tai bakantang irouia aomata aika buakaka,
20 Bwa e na aki nakoraoi aron te aomata ae buakaka nakon taai aika a na roko,+
E na kamateaki aia taura aomata aika buakaka.+
21 Natiu, maaka Iehova ao te uea.+
Ao tai irekereke ma taani karitei,*+
22 Bwa a na rina ni kabuanibwai,+
Bwa antai ae ataa te kamaunaaki ae a na karokoa naaka uoman* aikai i aoia nakanne?+
23 Aikai naba aia taeka akana wanawana:
E aki raoiroi te inanonano n te motikitaeka.+
24 Ane e kangai nakon te aomata ae buakaka, “Ko raoiroi,”+
Ao e na kamaraiaaki irouia botannaomata, ao ni kabuakakaaki irouia natannaomata.
26 A na kaboria aomata ma ane e bwabwaina te koaua n ana kaeka.*+
27 Bairea moa am mwakuri are i tinaniku, ao katauraoi bwaai nako n te tawaana.
Ao imwina ko a katea am auti.*
28 Tai kaotioti ni kaitaraa raom n aomata ngkana akea bukina.+
Tai kabonganai riam ni mwamwanaiia iai tabemwaang.+
29 Tai kangai: “N na karaoa nakoina are e karaoia nakoiu.
N na kabooa mwin ana mwakuri are e a tia ni karaoia.”*+
30 I rirarikin ana tawaana te aomata ae taningaroti,+
I rarikin ana nne ni kureebe te aomata ae aki ataa ae riai.*
31 I noria bwa a a rikirake iai uteute aika bati
Ao e buta aontano n aroka aika kateketeke,
Ao e uruakaki oona aika atibu.+
32 I tarataraia ao ni kaaki i nanou,
I noria ao e reke reireiau aei:*
33 Ai tii teutana riki te matu, ai tii teutana riki te nimatutu,
Ao ai tii teutana riki botani baim ni motirawa,
34 Ao e a roko naba karakon am bwai n aron te tia kamwarua,
Ao kainnanom n aron te mwaane ae a toamau ana bwai ni buaka.+