Taian Areru
I a taonakinako n te rawawata ao te nanokawaki.+
4 Ma I taboa aran Iehova+ ni kangai:
“Kamaiuai ngkoe ae Iehova!”
6 E kawakinia akana roo nanoia Iehova.+
I karinanoaki ao e kamaiuai.
7 N na aki manga raraoma,
Bwa e akoai Iehova.
8 Ko kainaomataai man te mate,
Ao matau man te rannimata, ao waeu man te tatanako.+
9 N na nakonako i matan Iehova i abaia akana maiu.
10 Iai au onimaki bwa I taetae,+
I a rangi ni karawawataaki.
11 Ni kaineti ngkanne ma ngai, e nako nanou ao I taku:
“Bon taani kewe aomata nako.”+
12 Tera ae N na angan Iehova bwa booni
Bwaai ni kabane aika raraoi ake e karaoi ibukiu?
13 N na anaa mwangkon te kakamaiu,*
Ao N na taboa aran Iehova.
14 N na kakororaoi au taeka ni bau nakon Iehova,
I mataia ana aomata ni kabane.+
16 I bubutiiko Iehova,
Bwa bon am toro ngai.
Bon am toro ngai, ae natin am toro te aine.
Ko kainaomataai mani kabaeau.+
17 N na anganiko te karea ni katituaraoi,+
N na taboa aran Iehova.