Taian Areru
Te kaetieti nakon te mataniwi n te anene i aon te Ierutun.* Ana areru Ataba.+ Te anene.
77 N na takarua nakon te Atua ni bwanaau,
N na takarua nakon te Atua ao e na ongo irou.+
2 I kakaaea Iehova ni bongin rawawatau.+
A teimatoa* baiu n aroraki nakoina n te bong.
I aki kona ni kabebeteaki.
4 Ko taui kunin matau bwa a na ure,
I a raraoma ao I a aki kona n taetae.
5 A a oki rikaaki au iango nakoni boong ake ngkoa,+
Ao ririki ake a a bwakanako.
7 Te koaua bwa e na tewenakoira Iehova n aki toki?+
Ao e na aki manga kaota ana akoi?+
8 Te koaua bwa e a roko raoi n tokina ana tangira ae koaua?*
E nang akea bongan ana berita ibukia rooro ni kabane?
9 E a mwaninga te Atua ni kaota ana akoi,+
Ke e a toki ana nanoanga ibukin unna? (Tiera)
10 Te koaua bwa I riai n teimatoa ni kangai, “Aei te bwai ae karawawataai:*+
Ae e a bitaki aron* Teuare Moan te Rietata nakoira”?
11 N na uringi ana mwakuri Iah,
N na uringi am mwakuri aika kamimi ake ko karaoi ngkoangkoa.
12 Ao N na kananoa au iango i aon am mwakuri ni kabane,
Ao n iaiangoi raoi baika ko karaoi.+
13 A tabu arom nako ngkoe ae te Atua,
Te atua raa ae kakannato ae ai arom ngkoe ae te Atua?+
17 A kabwaroi raan taian nang.
E karebwea te baa karawa ae uananginang,
Ao a kibakiba kanoan am kainikatebe mai ikai ao mai ikekei.+
18 Karongoaan am baa+ ai aroni wiran taiani kaa ni buaka,
A kaotaa te aonnaba ni kabutaa* am iti aika itirua,+
E ruru te aonnaba ao e mwaeiei.+
19 A mena kawaim ribuakon taari,+
Ao kawaim ae ko totoua ribuakon raan aika bati,
Ma a aki kona ni kakaaeaki mwin nako mwanekam.