Taian Areru
Te kaetieti nakon te mataniwi n te anene. Mairoun Tawita ae ana toro Iehova, are e taekini taekan te anene aei nakon Iehova, n te bong are e kamaiua iai Iehova mai nanoni baia akana kairiribai nakoina ni kabane, ao mai nanoni bain Tauro. E taku:+
18 I tatangiriko ngkoe ae Iehova, ae korakorau.+
2 Bon au bwaa ae rietata Iehova ao au nono, ao boni Ngaia ae kamaiuai.+
Bon au bwaa Atuau+ ae I kamanoai irouna,
Bon au otanga ao au koro* ni kamaiu,* ao au tabo ni kamanomano ae mano raoi.*+
3 I wewete nakon Iehova ae riai ni karaoiroaki,
Ao N na kamaiuaki mairouia akana kairiribai nakoiu.+
4 E katobibiai te mate n aron taian roobu,+
Ao a rina n raanga nakoiu ni kakamaakai mwaane aika akea manenaia.+
5 E otabwaniniai te Ruanimate n aron taian roobu,*
Ao e kaitaraai te mate n ai aron te bwai ni kamwane.+
6 I wewete nakon Iehova i buakon rawawatau,
I teimatoa n tang nakon Atuau ni kani buokaki.
7 Ao e ruru te aonnaba ma ni mwainging,+
Ao a mwaeiei aani maunga,
A ruru ma ni mwainging ibukina bwa e kaunaki.+
8 E waerake te bubu mani bwangabwangani bwairina,
Ao e otinako te ai ae kaakang mai wina.+
A nako mairouna mwaakaro aika ura.
11 E rabunna ngkanne n te rotongitong,+
Ni katobibia bwa kaanga ana tabo ni katantan,
Aika raan aika roo ao naang aika matenten.+
12 E otinako te karau ae te aiti ma mwaakaro n ai ribuakon naang
Man te oota are mena i matana.
13 Ao e a karebwea te baa i karawa Iehova,+
E kaongongo bwanaana Teuare Moan te Rietata,+
N te karau ae te aiti ma mwaakaro n ai.
14 E katebei kanoan ana kainikatebe ao e kamaenakoia+ akana kairiribai nakoiu.
E karenakoa ana iti i aoia ao e kamangaoia.+
15 A a kona n noraki kabin taiani karaanga,*+
Ao e a kaotaki aan te aba ni boaan te aba iroum ngkoe ae Iehova,
N angin ikeikeni bwangabwangani bwairim.+
16 E arora baina man te tabo ae rietata,
Ao e tauai ma ni katikai mai nanon te ran ae makuakua.+
17 E kamaiuai mairoun teuare kairiribai nakoiu ae korakora,+
Ao mairouia ake a riribaai, ake a korakora riki nakoiu.+
18 A kaitaraai n te bong are I rotaki iai n te kabuanibwai,+
Ma bon au boutoka Iehova.
20 E anganai kaniwangau Iehova ni kaineti ma raoiroiu,+
21 Bwa I kawakini kawain Iehova,
Ao I aki kitana Atuau, ae te mwakuri ae buakaka.
22 A bane ni mena ana motikitaeka i matau,
N na aki kakeaa bongan ana tua.
24 E bia anganai boou Iehova ni kaineti ma raoiroiu,+
Ao ni kaineti ma baiu aika akea aia bure i matana.+
25 Ko kakaonimaki ni koaua nakon ane e karaoa naba anne,+
Ao ko kaotiko bwa ko raoiroi nakon te aomata ae raoiroi.+
26 Ko kaotiko bwa ko itiaki nakon ane e itiaki,+
Ma ko kaotiko bwa ko nanowanawana nakon ane e buakaka.+
28 Bwa boni ngkoe Iehova ae ko kauraa au taura,
Atuau ae kaotaa au rotongitong.+
29 I kona ni biri ni kaaitaraia taani kuribwai n am ibuobuoki,+
Ao I kona n tamwarakea te oo ni mwaakan te Atua.+
Bon te otanga ngaia nakoia te koraki ni kabane ake a kamanoia irouna.+
31 Bwa antai te Atua irarikin Iehova?+
Ao antai riki te bwaa, ngkai bon tii Atuara?+
32 Bon te Atua ae koaua ae ngaia ae kunnikaiai n te korakora,+
Ao e na karaoa kawaiu bwa e na kororaoi,+
33 E karaoi waeu bwa a na waekoakoa n aroni waen te ria,
Ao e kateai n taabo aika rietata.+
34 E kataneiai baiu ibukin te buaka,
A kona baiu ni kabwaoua te kainikatebe ae te buraati.
35 Ko anganai am otanga ni kakamaiu,+
E boutokaai* baim are te atai,
Ao arom n nanorinano e karikai bwa N na kakannato.+
37 N na kaeiia akana kairiribai nakoiu ao N na taonianako,
N na aki oki ni karokoa ae a mauna.
38 N na kamanatuaia bwa a aonga n aki kona n teirake,+
A na bwaka i aani waeu.
39 Ko na kataubobongaai n te korakora ibukin te buaka,
Ko na kabwakaia i aau akana kairiribai nakoiu.+
40 Ko na kamumunia rikaaki mairou akana kairiribai nakoiu,*
41 A tang ni kani buokaki ma akea ae e na kamaiuia,
A tang naba nakon Iehova, ma e aki kaekaia.
42 N na ikikiia ni kamteia n aroni bubun te tano n unin te ang,
N na karenakoia n aroni bokabokan te kawai.
43 Ko na kamaiuai man aia kaiangatoa aomata.+
Ko na rineai bwa te mataniwi i aoia natannaomata.+
E na beku irou te botannaomata ae I aki kinaa.+
44 A na bon ongeaba irou e ngae ngke a tii ongora rongorongou,
A na kui ni kerikaaki ianena i matau.+
45 Ane e na bua ninikoriaia* ianena,
Ao a na roko ma te rurubenebene man aia nono.
46 E maiu Iehova! E na karaoiroaki au Bwaa!+
Ke e karietataaki te Atua ae te tia kamaiuai.+
47 E karekekai ibukiu te Atua ae koaua,+
E kataenikaiia botannaomata i aau.
48 E kamaiuai mairouia akana kairiribai nakoiu aika unun,
Ko tabekai rake i aoia te koraki aika ekainako,+
Ao ko kamaiuai mairoun te mwaane ae iowawa.