Iobi
16 E kaeka Iobi ni kangai:
2 “I a tia n ongo baika bati aika ai aron aikai mai mwaina.
Bon taani karaunano ngkami ni kabane aika karawawataa te aba!+
3 Iai tokin taeka aika akea uaaia?*
Tera ae e kauniko ngkai ko a kaeka n aron aei?
4 I kona naba ngai n taetae n ai aromi.
Ngke arona bwa ngkami ngai
Ao I kona ni kaaitaraingkami n au taetaenikawai ae kairoro,
Ao n ioioa atuu nakoimi.+
5 Ma I aki bwa N na kakorakoraingkami n taeka aika nako mai wiu,
Ao e na karekea te kabebeteaki ana karaunano riau.+
6 Ngkana I taetae ao e aki bebete marakiu,+
Ao ngkana I katoka au taetae, ao e na mwaitira kerikaakini marakiu?
8 Ko tauai naba ni kamatoaai ao e a riki bwa te bwai ni kaotioti,
Mangaia are e a teirake ngengenriu ni kaotioti i matau.
9 E raebitiai unna ao e kaikoa ribaakiu.+
E tenai bukini mwangaina ni kaitaraai.
E ewarai aiau ni matana.+
10 A kauremangangaai wia bwa a na kabwautai,+
Ao a bwainnataeai ni karetabaai,
A bati mwaitiia ao a ikotaki ni kaitaraai.+
11 E anga taekau te Atua nakoia ataeinimwaane aika uarereke,
Ao e ineakinai nako nanoni baia te koraki aika buakaka.+
12 Akea au kangaanga, ma e urua arou,+
E tauai mai bukin roroau ao e kamanatuaai,
Ao e mamaaireai ni kanoan ana kainikatebe.
13 A otabwaniniai ana tia katebe,+
E ewari au kirine+ ao akea ana nanoanga,
E kabwaroa ariu i aontano.
14 E uruai ni kakiribwangabwangaai n ai aron te oo
E waekoa ni kaitaraai n ai aron te tia buaka.
16 E ura moau ibukin te tang,+
Ao a a roroo kunin matau,*
17 E ngae ngke a aki karaoa ae iowawa baiu,
Ao e itiaki au tataro.
18 Aontano, tai rabuna raraau!+
Ao ke e tai reke nnen tangiu ni motirawa!
19 E mena naba ngkai au tia kakoaua i karawa,
Ao e mena n te tabo ae rietata teuare kona ni kaotioti ibukiu.
21 Ke e karaoa te moti temanna i marenan te aomata ma te Atua,
N aron ae e kakaraoia temanna i marenan te aomata ma raona.+
22 Bwa a a karako ririki aika a na roko,
Ao N na mwananga nako n te kawai ae akea te karairaki iai.+