Kaongora

◼ Nobembwa: Tera Ana Reirei ni Koaua te Baibara? Kataia ni moana te reirei n te Baibara ni moan rokom. Ritembwa: Teuare te Kabanea ni Kakannato Mai Buakoia Aomata. Aanga te boki ngkana e kan ongora ni koaua iai te aomata. Tianuare 2011: Tera Ana Reirei ni Koaua te Baibara? Ngkana e a kaman reke te boki anne irouia kaain te auti, a kona ngkanne taan uarongorongo n anga teuana mai buakoni booki aika 192 baaia ake a boreetiaki imwain 1995 aika a moanna n rotaki baaia. Beberuare 2011: A riai taan uarongorongo n anga te boki ae Te Kawai Ibukin Karekean te Kakukurei n te Utu.

◼ A bati rooro n rikirake aika a na reke aia tai ae bati riki n te mwakuri ni minita, ngkai e a kaan rokon te motirawa n Ritembwa. A kaungaaki kaaro ao kaain te utu bwa a na buokiia rooro n rikirake bwa a na tau n riki bwa taan uarongorongo aika tuai ni bwabetitoaki, ao ni kaotiota riki aia onimaki.