“Kam na Kaotiota . . . Ami Oota”
1. Tera te mwioko ae ti riai n uataboia?
1 E kaotiotaki kamoamoaan te Atua ae Iehova n tamaroan te oota ae noraki man otin taai ni karokoa bungin taai. Eng, bon te aeka n oota riki teuana are e kaoia iai taan rimwina Iesu bwa a na karekea, ae “te oota ae anganga te maiu.” (Ioa. 8:12) Karekean te oota n te onimaki aei bon te bwaintangira ae okoro mairoun Iehova ae aki nako mairoura ao e irekereke ma mwioko aika kakawaki. E tua ni kangai Iesu: “Kam na kaotiota . . . ami oota i mataia aomata,” ike a kakabwaiaaki iai tabemwaang. (Mat. 5:16) Ribuakon te rotongitong ae korakora n te onimaki ni boong aikai, e riai ni kaotiotaki te oota aei ae e a rangi ni korakora riki kainnanoana! Ti na kanga ni kaotiota ara oota n aroni Kristo?
2. E kanga Iesu ni kaotiota kakawakin tibwaakin te koaua ibukin te onimaki?
2 Man te Uarongorongo: E kamanena ana tai, korakorana, ao wanawanana Iesu ni kaotiota ootan te koaua nakoia aomata ni mwengaia, i nanoni kawai, i aoni maunga ao taabo nako ake a mena iai. E ataa kakawakini kateimatoaani katauraoani koauan te oota n te onimaki. (Ioa. 12:46) E katauraoia taan rimwina Iesu bwa a na riki bwa “te oota ibukia kaain te aonnaba” ibukini karekeaia aomata aika bati. (Mat. 5:14) A kaotiota aia oota n aroia ni karaoa ae raoiroi nakoia kaain rarikia ao n tibwaa te koaua ibukin te onimaki.
3. Ti na kanga ni kaotiota nanora ni kakaitau ibukin ootan te koaua?
3 A karaoa raoi mwiokoaia ana aomata te Atua ae te ‘teimatoa n nakonako ngkai natin te oota ngaiia,’ ao a uarongorongo n taabo nako ike a mena iai aomata. (IEbe. 5:8) Tii mani warekan te Baibara ke warekan ara boki nako n tain te mwakuri ke te motirawa n aoan te reirei ake a mena iai aomata ao ni kona n norira, e a kona ni kauka te kawai ibukin te maroro i aoni kiibu man te Baibara. Ni karaoan aei, e moana te reirei n te Baibara ma raona n reirei temanna te tari te aine ae te roro n rikirake ao a butimwaei booki raona n reirei aika 12 mwaitiia!
4. Bukin tera bwa e irekereke ‘kaotiotan ara oota’ ma aroarora ae moanibaan te raoiroi?
4 Rinanoni Mwakuri Aika Raraoi: E irekereke naba kaotiotan ara oota ma aroaroni maiura ni katoabong. (IEbe. 5:9) Aroaroni maiuia Kristian aika raraoi n taabo ni mwakuri, n taabo n reirei, ao n aia tabo te botannaomata, e a kona iai n reke aia tai n tibwai ana koaua te Baibara. (1 Bet. 2:12) N te katoto, e kairaki nanon ana tia reirei temanna te teinimwaane ae nimaua ana ririki man aroaroni maiuna ae raoiroi bwa e na maroro ma ana karo. E taku neiei, “I bon tuai man nonora te teei ae bwabwaina te aroaro ni maiu ae riai!” Eng, e anai nanoia aomata nakon “te oota ae anganga te maiu” ara mwakuri ni minita ao aroaroni maiura aika raoiroi ao e karekea iai kamoamoaan Atuara.