Karikirakean Rabakaura n te Mwakuri ni Minita​—Reiakinaia Ara Reirei Aron te Katauraoi

BUKINI KAKAWAKINA: Ngkana a katauraoi naake a reirei n te Baibara, a a kona n ota riki ao n uringi baike ti reireinia iai. Ngkana a ota riki ao n ururingnga, a na waekoa n rikirake. Ngkana a a tia ni bwabetitoaki, a riai naba ni kakatauraoi nakoni bobotaki ao te mwakuri ni minita bwa a aonga n “teimatoa n tantani.” (Mt 25:13) Ngaia are ngkana a rabakau n ukeuke n reirei ao ni kateimatoa irirakin aia kaetieti iai, a na kakabwaiaaki i nanoni maiuia. N te moantai, ti riai ni buokiia bwa e na riki bwa anuaia te kakatauraoi imwain aia reirei n te Baibara.

ARONI KARAOANA:

• 

  Katea te katoto ae raoiroi. (Ro 2:21) Katauraoi ibukin te reirei ma iaiangoan te aomata are ko reirei ma ngaia. (km 11/15 3) Kariaia bwa e na nora am boki ae mwaakenaki

• 

  Kaungaa bwa e na katauraoi. Ngkana e a moanaki te reirei, kariaia bwa e na ataia ae te katauraoi bon iteran naba te babaire ibukin te reirei n te Baibara, ao kabwarabwarai kakabwaia iai. Taekin aanga n ibuobuoki aika manena ake e kona iai ni kamwawaa ana tai ibukin te katauraoi. Iai tabeman taan reirei ake a kariaia te aomata ae a reirei ma ngaia bwa e na kabongana aia boki are e a tia ni mwaakenaki, bwa e aonga ni buokaki n ataa kakawakina. Kamoamoaa ngkana e katauraoi

• Kaota aron te katauraoi. A kona tabeman taan reirei ni kamanena aia moantai n reirei, ni kaota aron te katauraoi nakon te aomata are a reirei ma ngaia