Iangoia Unnaine Bwa Kaanga Tinam ao Aine Ake A Ataei Riki Bwa Kaanga Mwaanem

E tuangira te Baibara bwa ti na iangoia Kristian aika kara bwa kaanga tinara ao ake a ataei riki bwa kaanga mwaanera ao tarira. (Wareka 1 Timoteo 5:​1, 2.) A riai riki taari mwaane ni karineia taari aine.

E aki riai te tari te mwaane ni wiwi ni kababa nakon te tari te aine ke ni karaoa te bwai teuana ae e a mwengabuaka iai neienne. (Iob 31:1) E aki riai te tari te mwaane ae tuai n iein ni bwaintakaakarona ana namakin te tari te aine, n arona ni kauekea iroun neienne namakinan ae e kani karekenano ma ngaia, ao e bon aki.

A riai unimwaane ni kaeka ma te akoi nakon te tari te aine ae titiraki ma te karinerine ke ae e kaota te bwai teuana ae riai maroroakinana. A riai riki unimwaane ni kamanoia naake akea buuia.​—Rk 2:​8, 9.

MATAKU N TE TAAMNEI AE KAOTIOTA TE TANGIRA AE AKEA KABWAKANA N TE EKARETIA NAKOIA AINE AKE A A TIA NI MATE BUUIA AO ATAEI AIKA AKEA TAMAIA, AO KAEKAI TITIRAKI AIKAI:

• 

  A kangaa kaain te ekaretia ni kaota te tangira ae rianako nakon Sister Myint?

• 

  E kangaa te tangira are a kaotiotia kaain te ekaretia n riki bwa te bwai ni kakoaua nakoia kaain te kaawa?

• 

  E kangaa te tangira are a kaotiotia kaain te ekaretia n rota nanon natin Sister Myint te aine?

Baikara aanga tabeua aika ko kona ni kaota iai te tangira nakoia aine n am ekaretia?