Éé Níe Nóò Lọl Ló Gbele Pọ̀bkà Tù múú ã́ ẽ́?

Bàrì beè kyọ̀sí gbò pọ́lọ́ labdògò sõò aẹ̀ dùùlà Nóà nè pá ńlẹ́ẹ̀ tọ. Genesis 7:11, 12, 23

Boo è tú kà àgẹ bá dọ̀ọ̀mà mm̀ 40 ẹ́ẹ́ èlà nè bíládee, naa ní e múú ḿ má dénè boo kunùkẽ̀í.

Dénè gbò pọ́lọ́ labdògò beè ù. Gbò nyómá tóm e baẹ̀ naa uú booá beè nyãaá aa mm̀ nom̀kpáló nen vaá gboó dú gbò zọ.

Gbò e baẹ̀ bã mm̀ faà Nóàa beè dùùà. Náa kal ló béè kọ Nóà nè pá ńlẹ́ẹ̀ tọ beè gboó fẹgẹ ló ù, Bàrì é beè òòmà vá kẽ kpaá nvee mm̀ dùm vaá nè va boldẽésí gè tõó dùm dọ̀ dèdè.

Bàrì é beè kyọ̀sí gbò pọ́lọ́ labdògò dõòna tóm vaá à duùlà gbo lé nen. Máátìù 24:37-39

Sétàn nè ẹẹ gbò zọá kil sí gè dàgẹ̀ gbò nen.

Deè nieí, gã́bug nen kin nagé lèlèdee bá Jìhóvà ea nea mm̀ vulè, belí bé eaẹ̀ dì nàgé mm̀ tṍó Nóà naaá. Mm̀ gbálà ń kpùlu tṍó deèsí, Jìhóvà é gé kyọ̀sí dénè gbò pọ́lọ́ labdògò.—2 Pítà 2:5, 6.

Sìgà gbò nen bélí Nóà—Baala gbantṍ ló Bàrì vaá naa nu e ẹlẹ kọ́. Baalaà gbò Nenditõ̀ò Jìhóvà.