Mée Níaè Bèè Jíìzọ̀s e?

Jìhóvà beè lẹ̀ẹ̀là Jíìzọ̀s tẹlẹ bàlàboo. 1 Jọ́ọ̀n 4:9

Bebee le gbíì ge naa nu ea ń léémá Jìhóvà, è íè ge gbàntṍ ló dõònakà nen ea bọọ̀gẹ̀ dú bíi. Bège dẽè tṍó eaẹ̀ tení kil nvéeá besí bà kalá dèm Ádàm, Jìhóvà beè dèm enèkà nen ea bọọ ea di mm̀ nyómá gbẹá káála.

Sẽ́ e tṍó ni téní, Jìhóvà beè lẹ̀ẹ̀là e není kọ a mea boǹ Bẹ́tlèhẹ̀m tenmá bá enèkà nvín pányã́á e bè à gáà si ló págbálà ea kọlà Mérì. Baẹ̀ kolí nvíní kolíe Jíìzọ̀s.—Jọ́ọ̀n 6:38.

Dìbelí nen eaè di boo kunùkẽ̀í, Jíìzọ̀s mm̀ gbõ̀òmà dõò beè zogè gbò kpãà Bàrì. Ẹlẹ beè ié tóè sàn, vulè vaá nen beè laá bã̀é ló. Ẹlẹ beè noòmà dõòna gbò kàkà bel ea kil ló Jìhóvà, e bè náè siiápọ̀.

Jíìzọ̀s beè naa lé sõò ba beè ọbvíe. 1 Pítà 2:21-24

Gbò tùle fã̀ beè ọbví Jíìzọ̀s boo béè kọ ẹlẹ beè tú baálà kyáá nòòma nù nè ba gbò pọ́lọ́ sídeè e bà tomà ẹẹ́dẹi.

Jíìzọ̀s beè bonágé gbò nen zọ̀ló vaá kẽee gbò e baẹ̀ ù lọl boo.

Gbò tùle fã̀ beè tãgibá pá Róm̀ kọ bàá bòm Jíìzọ̀s nè ge fẹ́ẹ.