Bé Eo É Láá Tú Kpáí Siimá Tóm Naa

Mm̀ nakà kpáí, òé mon dọ̀ Kpá Káí e nú ea dì nè deè buù dee aa m nè gbò bel e bà ló nyòòmà. Náa kal ló béè kọọ̀ òé láá bugi dọ̀ Kpá Káíá nè gbò bel e bà ló nyòòmà kọ̀láá tṍó ea léémá ni, à ólò leemá gã́bug nen gè bugí boo lọ̀ọ̀le. Ló éé? Kọbé bà láá olòó bugi togó boo gbò nú e ba beè bugiá zivekà deeá, àé palàge dú lé beè zivekà pá tọ gbá bõoná tú nú ea dì nè dee. Gbò e bà gé sí tóm Bẹ́tẹẹ̀l beeá ló bàlà booí ólò gbá tú nú ea dì nè dee boo lọ̀ọ̀le tṍó e bà gé dé gyã́á.

Bà tú gbò bel ea nyoone gbò dọ̀ Kpá Káíá lọl mm̀ Kpá Tọ Kùdẽe Ló (w) níí April 2022 tẹlẹ March 2023. Túá kà nómbà ea bẽene gbáá e ba beè emí Kpá Tọ Kùdẽe Lóá dú ẽ́ e ba beè emí, ní ea égè bàà kà dú náásĩ́ e belá aà, ní ea égè taa dú kpò e bà tú belá lọ̀l. (Ẹ̀b nu dòòmà bá ea di kè kẽí.) Be ò gbĩ́ gè nyimá nú ea kil ló togó belá bọ̀ọ̀vẹ̀, òé láá bugi Kpá Tọ Kùdẽe Lóá.