Dùm Beè Dìbelí Và Mm̀ Gònò Ídèn ne?

Jìhóvà beè tú gã́bug lé nu nè Ádàm nè Íìv. Genesis 1:28

Jìhóvà beè dèm túákà ẹẹ pábiaá, é Íìv, vaá túe nè Ádàm kọ á dú a va.—Genesis 2:21, 22.

Jìhóvà beè dèm va, vaá naa kọ ba bùlà nè ba nom̀kpáló á gbõoma, e tọ́ọ̀kà lọ̀nù áẹ̀ gé vá ló.

Ba beè Páladais aè bèè gònò Ídèn—é kií ea beè palà ge kpedẽe, e múú ea gé ọ́bví gi nè gbò mumé té nè gbò nom dì.

Bàrì beè kọ bàá gá dé súú ea dú bè enèkà gbò téá. Genesis 2:16, 17

Jìhóvà beè ló bel nèva; ẹlẹ beè noòma va nu. Be bà beè gbànee tṍ ló, baala gáẹ̀ beè tõó dùm dọ̀ọ̀mà dèdè mm̀ Páladaìs boo kunùkẽ̀í.

Enèka zẹ̀ẹ̀ gbò nyómá tómá beè bébé uú boo Bàrì. Nakà pọ́lọ́ nyómá tóm kọlà Sétàn ẹẹ Pọ́lọ́ Nyómáá.

Jìhóvà beè zogè Ádàm nè Íìv enèkà mumé té eaẹ̀ di mm̀ gònòa vaá kọ́ nèva kọ be bà dé súú ea aa bè, bàẹ́ ú.

Sétàn náa beè gbí kọ Ádàm nè Íìv á gbàntṍ ló Jìhóvà. Vó bèe naa kọ ẹlẹ á ló bel nè Íìv tenmá gã́ enèkà naanà kọ beà gá náa vaá ẹlẹ à dé súúté e a aa boo té á, ẹlẹ naaé ú, sõò ẹlẹ é bélí Bàrì. Vaá sõò, níáè bèè kyáá bel.—Genesis 3:1-5.