14 NU GÈ NÒ
Mósĩ́ Deè Ní Eé Láá Fã̀ Bàrì Mm̀ Sĩ́deè Ea Léémáe Ẽ́?
Dì belí bé e ã́àa nó naaá, níì dénè bõ̀ònaló fã̀ ní e bà gé náa nú ea léémá Bàrì e nì. Sõò, èé láá fã̀ bẹẹ Neǹ Dèmnù mm̀ sĩ́deè ea é náa kọọ̀ nyíée á ẹẹ. Mókà “[bõ̀ònaló fã̀ àbèè] sĩ́deè gè nèèmà fã̀” ní ea léémáe ẽ́? (Jém̀z 1:27, NW, émì nu ea di kè kẽ) Bugi togó boo gbò nú e Kpá Káí nóòmà.
1. Éé ní ea bọ́ló kọọ̀ bẹẹ fã̀ á dẹ̀ẹ̀a boo é?
À bọ́ló kọọ̀ bé e fãà Bàrì naa á dẹ̀ẹ̀a boo Kpá Káí. Jíízọ̀s beè kọ́ nè Bàrì kọọ̀: “O moǹ bel ní ea dú kà kà bel é.” (Jọ́ọ̀n 17:17) Sìgà bõ̀ònaló fã̀ náa ólò noòmà gbò kà kà bel ea kil ló Bàrì ea di mm̀ Kpá Káí. Bà tú nàànù kunukẽ̀ nè nòòmànù gbò nen nyaamá ló. Nyíè Jìhóvà náa ẹ́ẹ ló gbò e bà “[kin] moǹ bel Bàrì.” (Bugi Máàk 7:9.) Sõò, è ólò naa kọọ̀ nyíée á ẹẹ tṍó e tõò boo gbò dùùlà bá deè tṍ ea di mm̀ Kpá Káí.
2. Mósĩ́ deè ní ea bọ́ló kọ é fã̀ Jìhóvà ẹ?
Áá Jìhóvà ea dú bẹẹ Neǹ Dèmnù ní ea bọ́ló kọ é fã̀e. (Kùùà Nù 4:11) Níí tõó dọ̀ kọọ̀ èé íè ge vùlè vaá nè fã̀ áá ẹlẹ, vaá née é tú nú e bà náàmà bá, nú e bà tã́, nú é bà ọ́ àbèè nú e bà tṍ nèèmàe fã̀.—Bugi Àìzáíà 42:8.
Bẹẹ fã̀ é íè ge “di káí vaá leemá” Jìhóvà. (Róm̀ 12:1, NW ) Níí tõó dọ̀ kọọ̀ èé íè ge gbàntṍ ló gbò a log. Dì belí nu dòòmà bá, gbò e bà vulè Jìhóvà ólò vùlè vaá tõó boo gbò a nòòkúu ea kil ló ílà dóm nè va. Vaá bà náa ólò naa gbò nú ea é kyọ ba nom̀ kpá ló, dì belí gè ṍ sĩi, ge ṍ biè mm̀ sĩ́deè e bè náa bọ́ló àbèè ge ṍ míí tẽeá dẽe.a
3. Éé ní ea náa vaá à bọ́ló kọ é zọ̀ pá vígà fã̀ Jìhóvà ẹ?
Bẹẹ gbò nònù ea ólò sẹ̀ẹ̀a buù sè ólò naa kọ é ié nèà deè ge ‘lèèlà Jìhóvà . . . gbẹá mm̀ bõ̀ònatõ̀ò.’ (Psalm 111:1, 2) Enè sĩ́deè e ólò naamá vó dú gè ọlí sọ́l lèèlà nè Bàrì. (Bugi Psalm 104:33.) Jìhóvà gbĩ́ kọ é olòó sí nònù boo béè kọọ̀ à vulèi vaá à nyímá kọọ̀ gbò nònùí é nveè bá nèi kọ é dé kpéè ló dùm dọ̀ọ̀mà dè-dè. Gbẹá nònù, è ólò siè kpóó ló dõòna gbò vaá bà síè nàgé kpóó ló beéle.
KPÁÁ NÓ BỌ̀Ọ̀VẸ̀
Nyimá nú ea náa vaá Jìhóvà náa ténmá kọ é tú nú e bà tã́ àbèè nú e bà ọ́ neemàèe fã̀. Nó gbò lé sĩ́deè eé láá lèèmà Bàrì.
4. Náa bọ́ló kọ é tú nú e bà náàmà bá nèèmà fã̀ Bàrì
Éé ní ea náa vaá è nyimá kọọ̀ gè naa vó náa é léémá Bàrì e? Bìlà VÍDIÒÍ, vaá ò gbóó aalai bíb ea nyoone.
Éé ní ea beè naaá tṍó e sìgà gbò e bà géè fã̀ Bàrì deè kéléá beè gbĩ́ gè tú nú e bà náàmà bá nèèmà fã̀ Bàrì e?
Sìgà gbò ólò tú nú e bà tã́ àbèè nú e bà ọ́ nèèmà fã̀ Bàrì boo béè kọọ̀ bà gbĩ́ gè kpáá tõo bã ló Bàrì. Sõò, é kọọ̀ nóo bulà kọọ̀ gè naa vó é náa kọọ̀ Bàrì á kil kpáá àà vá ló? Bugi Ẹ́xọdọ̀s 20:4-6 nè Psalm 106:35, 36, vaá ò gbóó aalai gbò bíbví:
Mókà gbò nú e bà tã́ àbèè nú e bà ọ́ ní eo monì kọọ̀ gbò nen gé tú nèèmà fã̀ Bàrì e?
À ólò tõó ló Jìhóvà naa vàẹ tṍó e bà tú nú e bà tã́ àbèè nú e bà ọ́ nèèmàe fã̀e?
Ge tú nú e bà náàmà bá nèèmà fã̀ Bàrì tõó ní ló naa vàẹ?
5. Ge fã̀ áá Jìhóvà náa kọ é di pọ́ì aa bá kyáá nòòmànù
Nyimá bé e gè nè fã̀ Jìhóvà mm̀ sĩ́deè ea lelà é láá naa kọ é di pọ́ì aa bá kyáá nòòmànù naa. Bìlà VÍDIÒÍ.
Bugi Psalm 91:14, vaá ò gbóó aalai nakà bíbví:
Éé ní e Jìhóvà zigà kọ àé náanìè neèi tṍó e zógè kọọ̀ è vulèe tení dú ló gè fã̀ áá ẹlẹ ẹ́?
6. È ólò fã̀ Bàrì gbẹá bẹẹ gbò nònù
È ólò lèèlà Jìhóvà vaá siè kpóó ló ene tṍó e ọ́lì sọ́l vaá aalá bíb gbẹá nònù. Bugi Psalm 22:22, vaá ò gbóó aalai gbò bíbví:
É kọ ò ólò dé kpéè ló gbò ààla bíb e bà ne gbẹá nònù?
É kọọ̀ àé léémá ni gè kpoogá deè ló kọbé ò láá aalá bíb gbẹá nònù?
7. Nyíè Jìhóvà ólò ẹẹ tṍó e kọ́ọ̀ gbò nú e ni nó nè dõòna gbò
È íè gã́bug sĩ́deè ge kọọmá gbò kà kà bel e ni nó lọl mm̀ Kpá Káí nè dõòna gbò. Bugi Psalm 9:1 nè 34:1, vaá ò gbóó aalai nakà bíbví:
Éé ní eo ni nó lọl mm̀ Kpá Káí ní ea é léémá ni gè kọ́ nè dõòna nen ẽ?
SÌGÀ GBÒ KỌ́Ọ̀: “Née gé láá naa nú ea é léémá Bàrì.”
Ńlóò bùlà kọ́ vàẹ?
NÚ E NI NÓ
È náà kọọ̀ nyíè bẹẹ Neǹ Dèmnù á ẹẹ tṍó e fãà áá ẹlẹ, tṍó e leelàẹ gbẹá nònù, nè tṍó e kọ́ọ̀ gbò nú e ni nó nè dõòna gbò.
Ge Òòa Boo
Mósĩ́ deè ní eé láá nyimá bé eé fã̀ Bàrì mm̀ sĩ́deè ea léémáe naa ẽ́?
Éé ní ea náa vaá à bọ́ló kọ é fã̀ áá Jìhóvà ẹ?
Éé ní ea náa vaá à bọ́ló kọ é zọ̀ gbò e bà gbĩ́ gè naa nú ea léémá Bàrì fã̀e ẽ́?
KPÁÁ GBĨ́ TẼ́ LÓ
Mm̀ nòòtẽ́ ea kọ́ọ̀, “I No Longer Slave for Idols” bugi nú ea náa vaá nyíè ene kà ńnváá beè ẹẹ kọ à láá ooàẹ̀ aa ló gè fã̀ gbò nú e bà náàmà bá.
Nyimá nú ea é nveè bá nèni kọ ó láá aalá bíb gbẹá nònù.
“Praise Jehovah in the Congregation” (Kpá Tọ Kùdẽe Ló, January 2019)
Nyimá bé e ene kà nvín ãa gbálà beè ié bélè lọl ló gè sí nònù naa, náa kal ló béè kọọ̀ náa beè olòó valíé ló gè sì.
Gã́bug nen zigà kọọ̀ bàà gbànà té doà bá gbò níí Kráìst, sõò é kọọ̀ à bọ́ló kọ é tú nèèmà fã̀ Bàrì?
“Why Don’t Jehovah’s Witnesses Use the Cross in Their Worship?” (Web article)
a Èé beè kpáá ló bel boo gbò lábví mm̀ gbò nu gè nò ea bẽene níí.