Ge Sìm Kil Sĩ́ Mm̀ Bẹẹ Kalì Bá Gè Kọọmá Kpẹ̀a—Bá Gè Dààmà Togó Loa Sọ́l Ea É Néi Deè Kọ É Kọ́ Kpẹ̀a

Jíízọ̀s beè láá kọ́ kpẹ̀a nè ńnváá Samérìàa boo béè kọọ̀ a beè zẹ́ẹ́ dààmà togó gè zọ̀ẹ loá sọ́l. Mósĩ́ deè ní eé láá sìm kilsĩ́ mm̀ bẹẹ kalì bá gè kọọmá kpẹ̀a tṍó e gé daamà togó gè zọ̀ neǹ kyáà loá sọ́l ẹ́?

• Tú sĩ́ mang loomá bel nè gbò nen. Náa kal ló béè kọọ̀ lóó Jíízọ̀s beè ọọ, a beè dààmà togó gè zọ̀ ńnváá Samérìàa loá sọ́l tení dú ló gè bànie múú bá. Boo béè vó, olo é láá dààmà togó tení dú ló gè tú kà lé bá kã̀àmàe mon vaá be à sẹlẹ ò gbóó ló bel boo bé e sĩ́dee dì naa, àbèè nú ea ã́àa naaá. Kẽ̀èa boo kọọ̀, túá kà tóm̀ bùlà ea di kẽ dú pọ́ì ge dààmà togó loa sọ́l, vóà naa, ló bel boo togó bel ea é léémá nená. Be náa ló bel tẹlẹ dẽe, nyíé ni á gá bììlà. Dò ge naa nagé vó ló dõòna nèn. Bàn kọ Jìhóvà á neè ni agẹló.—Nèh. 2:4; Tóm 4:29.

• Di kpènà ló ge tú kọ̀láá kà foga deè eo íè kọọmá kpẹ̀a, sõò ó gá gbalá. Sọ̀tọ́ deè kọọ̀ loa sọ́lá á kilsĩ́ bé ea bọ́ló naa. Be ò bọọgẹ̀ gbalá, àé láá gboe nená gè kìlmà loa sọ́lá sĩ́. Nyíé ni á gá bììlà beè loa sọ́lá íná kùbmà tṍó eo gáà kọ kpẹ̀a nèe. Be à ólò tàvàlà ní ló gè kọ́ kpẹ̀a tṍó e nóo beè noo, nó ge dààmà togó gè zọ̀ nen loá sọ́l e bè nóó tú gè kọ́ kpẹ̀a sẹ̀ẹ̀a bùlà. [Bìlà vaá ò ló sọ́l boo vídiò 1.]

• Pììga boo gè kọ́ kpẹ̀a nèe tení dú ló gè ló bel ea kil ló o zìgà ea é láá naa kọọ̀ nen eo géè gbai loai sọ́lá á bĩiná bààtẽ́. Jíízọ̀s beè ló kà lé bel ea náa kọọ̀ ńnvááá á bĩiná gĩ́e bíb. Kóló boo béè ge aalá gbò bíb ńnvááá, ní e Jíízọ̀s di boo vaá kọ́ kpẹ̀a nèe ẽ́. [Bìlà vaá ò ló sọ́l boo vídiò 2, bìlà nàgé vaá ò ló sọ́l boo vídiò 3.]