Bé Eé Láá Tú Gbò Trákt Dààmà Togó Loa Sọ́l Naa

Lọl tã́gĩ́ní ló January 2018, bà ólò emí ńkem̀ nu dòòmà bá ge kọọmá kpẹ̀a dẽè túá náásĩ́ ea di ló Kpá Bõ̀ònaló Sìtóm. À dú gè sièi kpóó ló kọ é kììlà bùlà kpee gè zọ̀ gbò nen loá sọ́l tãa vó e dõõgẽ dõo kpá nè va. Kọbé è láá nvèè bá nè gbò kọ̀ kpẹ̀a kọ bàá nyaaná bá ló ba sĩ́deè ge kọọmá kpẹ̀a, è ólò ẹ̀b gbò vídiò ea zógè bé eé láá tú áá Kpá Káí siimá tóm naa mm̀ ge dààmà togó loa sọ́l. É kọọ̀ níí tõó dọ̀ kọọ̀ née gé tú ná dõòna kà gbò kpá siimá tóm tṍó e gé kọ́ kpẹ̀a aa tọ dọ tọ? Níì vó nì! Dì belí nu dòòmà bá, Èé láá tú gbò trákt siimá tóm leevè mm̀ ge dààmà togó loa sọ́l. Èé láá tú nagbò sĩ́deèí siimá tóm tṍó e gé ne trákt:

1. Bĩináe bíb ea di boo kóòá ea fáálá kele-kele ààla e nen gé láá sà.

2. Zogèe dọ̀ Kpá Káí ea di boo ní ea égè bàà kà náásĩ́á ea áálá bíbvá. Be tṍó né ni deè, bugi vaá ò ló sọ́l boo gbò bel ea di mm̀ tráktá.

3. Tú tráktá nè tẹ̀ íè tọá, vaá ò síèe kpóó ló kọ á bugi gbò kiẽ́e e nóo beè bugiiá tṍó ea é íe tṍó.

4. Besĩ́ ò kálá àà, zogèe bíb “Gè Bugi Togó Nyòòmà” vaá ò noo gè zọ̀ẹ loá sọ́l boo à ààla lọl mm̀ Kpá Káí dõona tṍó eo é dú.

Tṍó eo é kpáá kãáe, zọ̀ẹ ló sọ́l boo à ààla vaá ò tú dõòna kà bíb eo é beè loi sọ́l boo dõòna dè gbẹẹẹ́ bá. Òé láá sà bíb eo é gbẹ́ẹẹ́ bá lọl boo bẹẹ website àbèè ní ea di mm̀ bẹẹ kpá e bà kólí bée nvéè kọ́ọ̀ trákta. Tṍó eo monì kọ à bọ́ló, zogèe Bróshọ̀ ea kọlà Lé Kpẹa Ea Aa Bá Bàrì! Àbèè dõòna kà kpá ea di zẹ̀ẹ̀ Gbò Kpá E Ólò Noòmà Gbò Nen.