Beeláfùl Ge Nvèè Bá

Nú E Jíízọ̀s Beè Naa

VÍDIÒÍ: Jíízọ̀s Beè Noòmà Nuù Nìkòdímòs

1. Ẹ̀b VÍDIÒÍ, àbèè ò bugi Jọ́ọ̀n 3:​1, 2. Vaá ò gbóó aalai gbò bíbví:

1. Éé beè láá naa kọọ̀ Nìkòdímòs á sí ló Jíízọ̀s tṍó e dee ni bílá ẹ́?​—Ẹ̀b Jọ́ọ̀n 12:​42, 43.

2. Mósĩ́ deè ní e Jíízọ̀s beè zogè kọ à diè kpènà ló ge naa kọọ̀ gbò nen á nyoonèèe nvée tení dú ló gè zọ̀ Nìkòdímòs nyoona bílá dee é?

Éé Ní E Nóò Lọl Ló Jíízọ̀s E?

2. È zógè kọ è vulè gbò nen tení dú ló gè nvèè bá nè va kọ bàá nyoone nvéè Kráìst.

Nó Jíízọ̀s

3. Zọ̀ẹ noá Kpá Káí boo tṍó nè gbẹá kĩée ea léeé ló. Àé láá ié dee àbèè tṍó ea léémáe. É kọọ̀ lóóe é tááá gè nó Kpá Káí gbẹá ól tóm, a be, àbèe gbẹá kĩée e gbò nen di ḿ-má? Be à válí, noo o tṍó kọbé à gbááá ló ńlẹ naaní eo é láá zọ̀ẹ noá Kpá Káí boo tṍó nè gbẹá kĩée ea é léeé ló.

4. Olòó zọ̀ẹ noá nu. Be nóo é di, ó gá lọ̀l bọọ nònù kẽ. Tãa vó, bugi togó boo níí:

1. É kọ òé láá zọ̀ẹ noá nu dõona tṍó mm̀ sèá?

2. É kọ òé láá zọ̀ẹ noá tenmá boo fóòn àbèè boo videoconference?

3. É kọ òé láá kọọ̀ dõona nèn á zọ̀ẹ noá?

5. Tã̀àgã ló Bàrì kọ à neè ni nyìmànù. Bàn kọ Jìhóvà á nvèè bá neè ni kọ ó láá olòó síé ló, kọbèè à tavàlàẹ́ ló gè olòó nó nu nè ge tú nú ea gé nó siimá tóm. (Fíl. 2:13) Be à íe gbò lé kpãa eo monìé m, tã̀àgã ló Bàrì kọ á nvèè bá nèe kọ á kilsĩ́.