5 NU GÈ NÒ

Ge Palàge Bugi Nu Õ̀ònà Dẽe

1 Tímotì 4:13

GE KỌ́ MM̀ ŃKPULU BÁ: Bugi gbõ̀ònà nú ea di dẽè kpá eo gé bugi lọ̀la vaá ò dalà mon boo.

Palàge kpoogá dee ló. Bugi togó boo nú ea beè naa vaá bà emí nuá. Nó gè bugi tã́á bel, níì áá buù kà moǹ bel nì. Ọẹ̀ dẽe kọbé nóo túù dõòna kà moǹ bel nvee gbàà, ge pẹgi sìgà, àbèè ge tú dõòna kà bel nyaamá ló ní ea di dẽè kpá. Bugi nyòòmà bé e bà tọ́ nú boo, tọ́ nú ló, àbèè kè kẽ naa.

Kọ́ nè nen kọ á pãané ni tṍ ló tṍó eo gé bugi vaá à kọ́ẹ̀ neè ni kiẽ́e e bè nóo láà bugi leevè.
Kolí buù kà moǹ belá bé ea bọ́ló gè kolíe naa. Be nóo nyímà bé eo é kólí moǹ belá naa, ẹ̀b mm̀ kpá ea ólò baatẽ́ dém bel, gbàntṍ ló nú e ba beè naa rẹ́kọọ̀d, àbèè ò bĩ́íná nvèè bá lọl bá nen ea ólò láá palàge bugi nu.
Ló bel lọa kè dáa. Tú ọ̀ẹ̀ dẽe kolmá buù kà moǹ belá, dàlà sĩ́ nè boo vaá ò ãanà gã́ leevè. Pììga boo gè kolí buù kà õ̀ònà dẽe.

Ó gá bọ̀ọ̀gẹ̀ kolí áá-áá súú bel naa ní e bè náa é belí ná bé e bà ólò ló bel naa.