Bé E Bàrì Vulèi Naa

1. Jìhóvà Bàrì, dú kà lé Neǹ vulè,

À bọ́ló gè nó-e.

À tú A Sã́áná vaamá gyọ́ọ boo beele.

Tọ́ọ̀ kà vulè, náa bọọ èl níí.

A ú áálá-i lọl bá beléè náà kyọ̀

Vaá naa kọọ̀ Bàrì á i-a ló nè-i.

Vulè bẹẹ Bàrì le-le dee bá beele.

Beléè Bàrì dú lé Neǹ vulè.

2. Tṍó e nóò Bàrì vaá vùlè pá vígà,

Née gé sa sĩ́ tọ́ọ̀ nen.

Tãa vó, bẹẹ vulè é nveè kpóó ló beele

Kọ é nvèè bá nè kọ̀láá nen.

Lọl ló gbò kà nen tẹlẹ lò gbò pá nvín,

Aa mm̀ beléè bon dọ̀ nàgé dõòna bòn.

Néé láá ọbví nen vaá vùlè Jìhóvà.

Vulè Bàrì dú kà lé vulà.

3. Vulè bẹẹ Bàrì bọ́bví dénè beele

Belí pá A gbò nvín.

Beléè lé Bàrì kólí dénè beele

Vaá noòmà-i kọ é vùlà.

À tú A nyómá bií ló A lé moǹ bel

Nè-i naamá gyọ́ kọbé è láá vùlà.

Pá vígà nè kóò kẽe-é-í nyíe buù dee,

Kọọ̀ bẹẹ Bàrì dú Bàrì vulè.