Dõona Kà Gbò Togó Bel Ea Di Mm̀ Kpá Tọ Kùdẽe Ló
Gã́bug pá vígà ólò tú JW Library® siimá tóm tṍó e bà gé kpóógá dee ló nyòòmà nònù, vaá nyíé va ólò ẹẹ boo béè kọ à ólò noo buù kà togó bel ea di mm̀ Kpá Tọ Kùdẽe Ló mm̀ sĩ́deè ea é válí ló nen ge mòn. Sõò à íe dõona kà gbò togó bel ea di mm̀ Kpá Tọ Kùdẽe Ló níí ge nò ea é dọ bélè nèi. Mósĩ́ deè ní eo é láá tú JW Library gbĩimá gbò togó belí naa ní eo é íe bélè lọl lóé?
À íe ńkem̀ togó bel ea kọlà “Additional Reading” ea di ke kùbmà buù kà Kpá Tọ Kùdẽe Ló níí ge nò. Daa bá boo líìnk ea kọlà “Other articles in this issue” ea di kè kẽè togó belí. Ẹ̀b gbò togó bel ea di m, vaá ò nvèè kpíi ló bé e bà noo gbò togó belí vaá emí nómbà ló naa. Daa bá boo dõona kà togó bel eo gbĩ́ gè bugi.
Boo Túá Kà náásĩ́ ea di mm̀ JW Library, ẹ̀b ke kẽè “What’s New,” vaá ò náa dànlóòd buù kà Kpá Tọ Kùdẽe Ló e bà ã́àa tẹlẹ. Daa bá boo kpá eo beè naa dànlóòda vaá ò ẹb kĩée e bà émí gbò togó bel ea di m, kọbé ò láá ié bélè lọl ló kọ̀láá kà togó belí.