Son as Testemuñas de Xehová unha relixión protestante?

Non. As testemuñas de Xehová somos cristiáns, pero non nos consideramos protestantes. Por que non?

Defínese protestantismo como o “movemento relixioso oposto ó catolicismo romano”. E aínda que é certo que as testemuñas de Xehová non estamos de acordo con algunhas ensinanzas da relixión católica, non nos consideramos protestantes polas seguintes razóns:

1. Algunhas das crenzas dos protestantes están en conflito coas ensinanzas da Biblia. Por exemplo, a Biblia ensina que “hai un único Deus” e non que sexa unha trindade (1^a Timoteo 2:5; Xoán 14:28). Tamén ensina que Deus castiga ós malvados, pero non no lume do inferno, senón con destrución eterna (Salmo 37:9; 2^a Tesalonicenses 1:9).

2. Non protestamos en contra de ningunha relixión, nin tampouco pretendemos reformar a Igrexa Católica ou calquera outro grupo relixioso. Pola contra, o noso principal interese é predicar as boas noticias do Reino de Deus, tratando de axudar a outros a que poñan fe nesas boas noticias (Mateo 24:14; 28:19, 20). Non temos ningún interese en reformar outros grupos relixiosos, senón en ensinar a outras persoas a verdade sobre Deus e a Súa Palabra, a Biblia (Colosenses 1:9, 10; 2^a Timoteo 2:24, 25).