COMO FACERLLE FRONTE Á SUBIDA DOS PREZOS
Aceptemos a realidade
Pode ser que non nos deamos conta de que os prezos aumentan cando o fan pouco a pouco, sobre todo se o noso salario tamén o fai. Pero, cando os prezos se disparan e o noso salario é o mesmo, é posible que nos preocupemos e nos estresemos, sobre todo se temos unha familia que manter.
Nós non podemos facer nada para evitar que os prezos sigan subindo, pero aceptar que é unha realidade pode ser bo para nós.
POR QUE É IMPORTANTE
Ás persoas que teñen un punto de vista realista sobre o aumento dos prezos pódeselles facer máis fácil...
... manter a calma. Cando estamos tranquilos, pensamos con máis claridade e tomamos mellores decisións.
... evitar facer cousas que non sexan sabias. Por exemplo, sería imprudente non pagar as facturas ou gastar os cartos en cousas que non necesitamos.
... non discutir coa familia sobre os cartos.
... ver que facer para poder comprar as cousas necesarias. Quizais isto implique que teñamos que gastar menos e decidir que cousas son realmente necesarias.
QUE PODES FACER
Sé adaptable. En épocas nas que os prezos suben tan rápido é sabio intentar reducir os nosos gastos, se é posible. Algunhas persoas intentan ter un estilo de vida que non poden manter, pero iso é como intentar nadar a contracorrente nun río no que a auga vai moi rápido! Ó final, o único que conseguen é cansarse. Claro, se tes unha familia que manter quererás darlles o que necesiten, pero recorda o seguinte: a túa familia necesita o teu amor, tempo e atención máis que ningunha outra cousa.
Intentar manter un estilo de vida luxoso e pouco realista é como intentar nadar a contracorrente nun río no que a auga vai moi rápido