ASPECTO DA ORATORIA 18

Exposición instrutiva

1 Corintios 9:19-23

EN QUE CONSISTE? Axudar ós presentes a reflexionar na información e a quedar coa sensación de que aprenderon algo valioso.

Pensa no que xa sabe o auditorio. Máis ben que repetir cousas que xa coñecen, axuda ós presentes a ver o tema dende un punto de vista novo ou diferente.

Dedica máis tempo a explicar as ideas novas e analiza de maneira breve as que o auditorio xa coñece.
Investiga e reflexiona. Cando sexa posible, ilustra as ideas clave usando detalles pouco coñecidos ou sucesos de actualidade. Dedica tempo a reflexionar na información que vas presentar e pensa en como se relaciona cos detalles que queres mencionar.

Mentres estudas a información, faite preguntas como “que?, por que?, cando?, onde?, quen?, como?”. A túa presentación será máis animada se contestas algunhas destas preguntas.
Mostra o valor práctico. Explica como a Biblia pode axudar os presentes na súa vida diaria. Fala de actividades, problemas ou sentimentos que lles resulten coñecidos.