Melloremos as nosas habilidades na predicación. Busquemos tódalas persoas da zona que predicamos

POR QUE É IMPORTANTE. Zacarías profetizou que xente de tódalas linguas e nacións respondería ben ás boas novas (Zac. 8:23). Pero quen lles ensinaría? (Rm. 10:13-15). Temos o privilexio e a responsabilidade de compartir as boas novas con tódalas persoas da zona na que predicamos (od-S páx. 84 pars. 10, 11).

COMO FAGO?

• Prepárate. Atopaches alguén que fala outro idioma? Entón entra na aplicación JW Language para aprender unha presentación sinxela. Outra opción é ensinarlle á persoa no teu dispositivo móbil como pode atopar información no seu idioma en jw.org.

• Sé observador. Se estás predicando de casa en casa, non deixes pasar as oportunidades de predicarlles ás persoas que pasan ó teu lado ou ás que estean aparcadas dentro dun coche. Se estás participando na predicación pública, concéntrate no obxectivo de dar testemuño.

• Sé concienciudo. Sigue intentando atopar as persoas que non estaban na casa. Esfórzate por falar con alguén en cada fogar. Por que non probas a distintas horas ou días? Con algunhas persoas quizais debas contactar por carta, por teléfono, ou cando prediques nas rúas.

• Non perdas o contacto. Volve visitar axiña a persoa para manter o seu interese na mensaxe. Se fala outro idioma, busca alguén que poida atendela no seu propio idioma. Namentres, sigue a visitala ata que os predicadores que falan o seu idioma se poñan en contacto con ela (od-S páxs. 93-94 pars. 39, 40).

DESPOIS DE VER O VÍDEO PREDICAMOS “ATA OS CONFÍNS DA TERRA” RESPONDE ÁS SEGUINTES PREGUNTAS:

• 

  Como se prepararon os irmáns para contactar coas persoas nas zonas máis afastadas? (1 Cor. 9:22, 23)

• 

  Que obstáculos tiveron que superar?

• 

  Que bendicións recibiron?

• Que podes facer para falar con máis persoas da túa zona asignada para predicar?