Usa a páxina de inicio de JW.ORG na predicación

A páxina de inicio do noso sitio de Internet ten artigos e vídeos que están deseñados para chegar ó corazón das persoas sinceras (Fei 13:48, TNM). Destacan temas que están nas noticias ou que lles interesan moito ás persoas.

Como podes usar a páxina de inicio de jw.org na predicación?

• Visita o sitio de Internet de forma regular. Fíxate nos artigos recomendados e pensa en como poderías usalos para axudar a unha persoa interesada. Para encontrar outros artigos recomendados que se publicaron recentemente na páxina de inicio, fai clic en “Ver máis”. Estar ó dia co sitio de Internet axudarache a ter novas ideas para usar na predicación.

• Usa os artigos e os vídeos da páxina de inicio para empezar conversacións. Este contido pódeche dar ideas sobre o que pensa a xente do territorio.

• Móstralle á xente a páxina de inicio. Destaca algún dos temas da sección “Escolle un tema que che interese” e móstralle á persoa como navegar polo sitio.

• Comparte un enlace. Algúns non queren falar con nós en persoa, pero si que están dispostos a visitar o noso sitio de Internet. Así que, se algunha persoa mostra interese, mándalle un enlace á páxina de inicio, a un artigo ou a un vídeo.