Xesús acabará coas guerras

Cando estivo na Terra, Xesús demostrou que amaba tanto as persoas, que estivo disposto a sacrificar a súa vida por elas (Mateo 20:28; Xoán 15:13). Dentro de pouco, usando a súa autoridade como Rei do Reino de Deus, Xesús volverá a demostrar o seu amor polas persoas acabando “coas guerras por toda a terra” (Salmo 46:9, TNM).

Fíxate como describe a Biblia o que Xesús vai facer:

• “El rescatará o pobre que grita por axuda, tamén o humilde e a todo o que non ten quen o axude. Terá compaixón do humilde e do pobre, e ós pobres salvaralles a vida. Rescataraos da opresión e da violencia” (Salmo 72:12-14, TNM).

Como podemos demostrar o noso agradecemento polo que Xesús fixo e vai facer por nós? Unha maneira é aprendendo máis sobre “as boas noticias do Reino de Deus”, é dicir, sobre a mensaxe que el mesmo predicou (Lucas 4:43). Le o artigo “A verdade sobre o Reino de Deus”.