Son os xogos de azar un pecado?

O que di a Biblia

Aínda que a Biblia non fala deste asunto polo miúdo, os seus principios axúdannos a entender que Deus ve os xogos por diñeiro coma un pecado (Efesios 5:17)a.

• Este tipo de xogo está motivado pola cobiza, algo que Deus odia (1 Corintios 6:9, 10; Efesios 5:3, 5). Os xogadores queren gañar os cartos que outros perden, pero a Biblia condena cobizar as cousas doutras persoas (Éxodo 20:17; Romanos 7:7; 13:9, 10).

• Xogar por diñeiro, aínda que sexan cantidades pequenas, pode facer que creza en nós o amor polos cartos, un sentimento moi prexudicial (1 Timoteo 6:9, 10).

• A miúdo, os xogadores cren na sorte ou nas supersticións. En cambio, Deus ve estas crenzas coma unha forma de idolatría. E iso é incompatible con adoralo a el (Isaías 65:11, nota).

• A Biblia anímanos a traballar duro, máis ben que a conseguir diñeiro fácil (Eclesiastés 2:24; Efesios 4:28). As persoas que seguen os consellos da Palabra de Deus poden “[comer] o que ganen por elas mesmas” (2 Tesalonicenses 3:10, 12, TNM).

• Os xogos de azar poden espertar en nós un espírito competitivo que a Biblia non aproba (Gálatas 5:26).