LECCIÓN 33
Que conseguirá o Reino de Deus
O Reino de Deus xa goberna e pronto fará grandes cambios na Terra. Nesta lección imos analizar algunhas das cousas boas que fará ese Reino.
1. Como vai restaurar o Reino de Deus a paz e a xustiza na Terra?
Xesús, o Rei do Reino de Deus, vai destruír a xente mala e os gobernos na guerra de Harmaguedón (Apocalipse 16:14, 16). Entón cumprirase a promesa da Biblia que di: “Un pouco aínda: xa os impíos non existen” (Salmo 37:10). Mediante o Reino, Xesús encargarase de que haxa paz e xustiza por toda a Terra (le Isaías 11:4).
2. Como será a vida cando se faga a vontade de Deus na Terra?
Baixo o Reino de Deus, “os xustos herdarán a terra e habitarán nela para sempre” (Salmo 37:29). Imaxina o que será vivir nun mundo onde tódalas persoas sexan xustas e amen a Xehová e ós demais. Ninguén enfermará e todos vivirán para sempre.
3. Que conseguirá o Reino de Deus despois de que a xente mala sexa destruída?
Despois de que a xente mala sexa destruída, Xesús gobernará como Rei por mil anos. Durante ese tempo, el e os 144.000 que gobernen con el axudarán ós humanos que vivan na Terra a chegar a ser perfectos. Ó final dese período, a Terra será un fermoso paraíso. Estará chea de persoas que serán felices porque obedecen as leis de Xehová. Entón Xesús entregaralle o Reino ó seu Pai. O nome de Xehová será santificado como nunca antes (Mateo 6:9, 10). Quedará demostrado que Xehová é un bo gobernante que se preocupa polas persoas. Entón Xehová destruirá a Satanás, os demos e a calquera outro que decida rebelarse contra o seu goberno (Apocalipse 20:7-10). As condicións perfectas que traerá o Reino de Deus durarán para sempre.
AFONDA MÁIS
Analiza por que podemos confiar en que Deus utilizará o Reino para cumprir tódalas promesas que hai na Biblia para o futuro.
4. O Reino de Deus vai acabar cos gobernos humanos
“Un home domina sobre outro para mal” (Eclesiastés 8:9). Xehová vai usar o seu Reino para reparar todo o dano causado polos gobernos humanos.
Lede Daniel 2:44 e 2 Tesalonicenses 1:6-8 e logo comentade estas preguntas:
Que farán Xehová e Xesús cos gobernos humanos e coa xente que os apoia?
Polo que levas aprendido sobre Xehová e Xesús, por que podes estar seguro de que todo o que farán será xusto e imparcial?
5. Xesús é o mellor Rei
Como Rei do Reino de Deus, Xesús fará moitas cousas boas polas persoas que vivan na Terra. Poñede o VÍDEO para ver como demostrou Xesús que quere axudar a xente e que ten o poder de Deus para facelo.
Cando estivo na Terra, Xesús deu un adianto do que faría o Reino. Lede os textos que falan das cousas boas que fixo e fará Xesús. Cal desas promesas tes máis ganas de ver cumprida?
CANDO ESTIVO NA TERRA, XESÚS... |
DENDE O CEO, XESÚS... |
|---|---|
|
|
|
|
|
|
|
|
6. O Reino de Deus daranos un futuro marabilloso
O Reino vai cumprir o que Xehová tiña pensado dende o principio para os humanos. Vivirán para sempre na Terra feita un paraíso. Poñede o VÍDEO para ver o que está a facer Xehová mediante Xesús para cumprir o seu propósito.
Lede Salmo 145:16 e logo comentade esta pregunta:
Como te sentes ó saber que Xehová lle dará “fartura a todo ser vivo”?
HAI QUEN DI: “Se traballamos xuntos podemos solucionar os problemas do mundo”.
Que problemas vai solucionar o Reino de Deus que os gobernos humanos non poden eliminar?
RESUMO
O Reino de Deus vai lograr o seu obxectivo. Converterá toda a Terra nun paraíso cheo de persoas boas que adorarán a Xehová para sempre.
Repaso
Como se santificará o nome de Xehová grazas ó seu Reino?
Por que podemos confiar en que o Reino de Deus cumprirá as promesas da Biblia?
De tódalas cousas boas que vai conseguir o Reino, cal é a que máis esperas ver cumprida?
INVESTIGA
Descubre que é o Harmaguedón.
Le o que vai suceder durante a gran tribulación da que falou Xesús en Mateo 24:21.
Mira como poden as familias imaxinar que están xuntas no Paraíso desfrutando das cousas boas que fará o Reino.
No artigo “Tiña moitas preguntas na cabeza” fíxate en como un rebelde político atopou as respostas que buscaba.