JW Gitam Thaun Tumi Kitem Xikonk Zata?

JW gitam modlim tujim avoddttim gitam khoinchim? Tim tuka kiteak avoddttat? Ani tantunt dakhoilʼlim chitram tujea sodanchea jivitak boreak poddttat oxem tuka dista kai? Tantunt veg-vegllea torechem songit asa ani tem veg-vegllea vixoi-ancher asa, dekhun dor ekleak faideak poddtta tosli kitem tori mahiti tantunt asach. Him JW gitam ani songit viddeo fokot amchea monoronjonak lagunuch nant, punn tantunt amkam kitem tori xikonk melltta.

Dor eka JW gita thaun ami amchea Kristi jivitant ani porgottnnent lagu korunk zata toslim lisanvam xikonk zatat. Thoddim gitam oslea gunnancher amchem dhean voddttat, zoxem dhir, mog, bhavarth, poramos korop, ekvottkai samballop, vo ixttagot korop. Her thoddim gitam Jehova lagim porot ieunk, eka-mekak bhogsunk, dor disa amchem visvaxiponn samballunk, ani veg-vegllea vattamnim Jehovachi seva korunk urba ditat. Mobile bore toren uzar korchea vixim pasun ek borem JW git asa. JW gitam thaun tumi anik khoinchim lisanvam xikleant?

JW GIT JUST AROUND THE CORNER, HACHO VIDDEO POLLOIAT ANI UPRANT SOKOL DILOLEA PROSNANCHE ZOBAB DIAT:

• Tem zanttem zoddpem khoinchea fuddarachea besanvam vixim nialltta?—Ut. 12:3

• Apleo bhasaunneo purnn kortolo mhunn Jehovacher aslolo amcho bhavarth ami koso ghott korunk zata?

• Khoinchi khuxechi ghoddnni sarki lagim pavlea?

• Rajeacho bhorvonso amkam atam aslole tras sosunk koso modot korta? —Rom. 8:25