Onnbhov Aslolea Bhav-bhoinnam Thaun Tumi Kitem Xikonk Zata?

Amchea sobhamnim zaitea vorsam thaun Jehovachi seva kelʼlim bhav-bhoinnam asat. Tim Jehovacher koxim patieun ravlim tantuntlean ami zaitem xikonk xoktat. Amchean tankam Jehovache songottnnecho itihas, tanchea jivitant kosleo oddchonneo aileo ani tea vellar Jehovan tankam koxi modot keli tem vicharunk zata. Ami tankam kuttumbik bhoktechea vellar apoun tancho onubhov vicharunk zata.

Tumi zaitea vorsam thaun Jehovachi seva kortat zalear, Jehovan tumkam koxi modot keli tea vixim tumcho onubhov tornatteank sangat. Jakoban ani Juzen aple onubhov aplea sonstik sangle. (Ut. 48:21, 22; 50:24, 25) Uprant, Jehovan apnnem kelʼlea vhodd kamam vixim bhurgeank sangonk familichea vhoddilank adnea dili. (D.S. 4:9, 10; St. 78:4-7) Jehovan aplea songottnne udexim jim ochorianchim kamam keleant tim avoi-bapaimnim ani sobhentlea her bhav-bhoinnamnim, fuddle sonstik sanglolim Jehovak zai.

BONDHI ASTA TEDNAM EKVOTT SAMBALLAT, HO VIDDEO POLLOIAT ANI UPRANT SOKOL DILOLEA PROSNANCHE ZOBAB DIAT:

• Austria-chea xakhen bondhi aslolea thoddea desantlea amchea bhavank koxi modot keli?

• Hea desantlea bhavamnim aplo bhavarth ghott samballunk kitem kelem?

• Romania-nt aslolim zaitim porgottnnaram Jehovachea songottnne thaun pois kiteak gelim, ani tim porot koxim ailim?

• He onubhov tumcho bhavarth koso ghott kortat?