Devachea Rajea Vixim Sangonk Novembr Mhoineant Khas Porgottnni

Jezun “Devachea Rajeachem Xubhvortoman” porgottlem. (Luk. 4:43) Tannem lokank tea Rajea pasot magnnem korunk xikoilem. (Mt. 6:9, 10) Novembr mhoineant Devachea Rajea vixim Porgottnni korunk ami khas proitn kortolim. (Mt. 24:14) Hea khas porgottnnent bhag gheunk tumi tumchea kamant bodol korunk xoktat kai? Hea mhoineant porgottnnarank 30 vo 50 voram porgottnni korun sahaiok pioneer zaunk mellttolem.

Tumchea vattarant zata titlea lokank Devachea Rajea vixim ek vers vachun dakhounk proitn korat. Tumcho aiknnaro khoinchea dhormacho asa tacher dhean diat ani vers vinchun kaddat. Poile bhettek konnui anink zannam zaunk umed dakhoita zalear, taka lokam pasot aslolem The Watchtower No. 2 2020 hem masik diat. Uprant, taka rokddich porot bhett korat, ani Seve Pasot Mukhel Prokaxonam hantuntlem ek prokaxon diun Bible obheas suru korat. Beginuch Devachem Raj aplo virodh korta tea soglea sorkaracho nas kortolem. (Dan. 2:44; 1Kor. 15:24, 25) Tor, hea khas porgottnnent bhag gheun, Jehovak ani tachea Rajeak ami tenko ditat mhunn dakhoun dium-ia!