AMCHEM KRISTI JIVIT
Odhivexonam—Mog Dakhounk Ek Sondhi
Amkam odhivexonant kiteak itli khuxalkai melltta? Adlea kallar Israelitkar porob monounk dor vorsa ektthaim ieun Jehovachi bhokti kortale ani tantunt tankam khuxalkai mellttali. Toxench, aiz xemboramnim vo hozaramnim bhav-bhoinnam sangata mellon Jehovachi bhokti korunk amkam khuxalkai bhogta. Thoim amkam Devachi zaiti xikounn melltta. Odhivexonam amkam amchea ixttam ani ghorcheam sangata vell sarunk sondhi ditat. Khorench, odhivexonam amchea khatir khas zaun asat. Tor ami tin-ui dis hajir zaunk proitn korunk zai.
Odhivexonak ami hajir zatat tednam ami fokot amcheach vixim nhoi, punn ami amchea bhav-bhoinnank koso mog dakhounk zata tea vixim chintunk zai. (Gal. 6:10; Heb. 10:24, 25) Ami dar uktem korun dovrun dusreank vochonk ditat tednam, vo amkam goroz titleoch boska samballun dovortat tednam ami dusreank kitem boreak poddtta tem korunk pavtolim. (Fil. 2:3, 4) Odhivexonant amkam nove ixtt korunk sondhi melltta. Kariavoll suru zaunchea poilim ani somplea uprant, toxench donparchea visova vellar ami vollkhonant toslea bhav-bhoinnam lagim ulounk proitn korum-ia. (2Kor. 6:13) Hea ritin ami sasnak togta tosli ixttagot korunk pavtolim. Ani bhailo lok amcho mog polloitole tednam te-ui ghoddie Jehovachi seva korunk pavtole.—Ju. 13:35.
“PRITIMOG KODINCH SOMPONA”! ONTORAXTTRIA ODHIVEXON, HO VIDDEO POLLOIAT ANI UPRANT HEA PROSNANCHE ZOBAB DIAT:
2019 vorsachea ontoraxttria odhivexonant tea desantlea Sakxeamnim dusrea desa thaun ailolea bhav-bhoinnank koso mog dakhoilo?
Jehovachea lokam modem zo mog ani ekvottkai asa, ti ojapachi kiteak?
Sonchalon Monddollachea vangddeamnim Kristi mog koso dakhounk zata mhunn xikoilem?
Tumi odhivexonant bhav-bhoinnank anik koxe toren mog dakhounk zata?
Germany ani South Korea-ant dhumallo aslear pasun amchim bhav-bhoinnam Jehovak ani eka-mekak koso mog dakhoitat?
Ami kitem nichov korunk zai?