AMCHEM KRISTI JIVIT
Niraxi Asloleank Jehova Salvar Korta
Amchea modlo dor eklo kednam-na-kednam niraxi astach. Punn hacho orth amkam Jehovacher bhavarth na, oxem nhoi. Pollounk gelear, Jehovak pasun thodde pavtti dukh bhogta mhunn tannem sanglem. (Ut. 6:5, 6) Punn ami choddxe pavtti vo sogleach vellar ekdom niraxi astat zalear kitem?
Jehova lagim modot magat. Amkam koxem bhogta tacher Jehova dhean dita. Dekhun ami kednam khuxal astat ani kednam dukhi astat tem taka khobor asta. Ami umkeach ritin kiteak chintʼtat ani amkam umkeach toren kiteak bhogta tem to somzota. (St. 7:9a) Sogleam-von mhotvachem mhunnttlear taka amchi kallji asa ani niraxiponnacho vo depression-acho fuddo korunk to amkam modot korunk xokta.—St. 34:18.
Tumchea monachi rakhonn korat. Ami niraxi astat tednam ami dukhi astat. Titlench nhoi, Jehova sangata amchi ixttagot pasun oskot zaunk xokta. Dekhun ami amchea kallzachi, mhunnttlear amchea chintnanchi ani bhavnanchi rakhonn korunk zai.—Mho. 4:23.
AMCHEA BHAV-BHOINNANK DEPRESSION ASLEAR PASUN XANTI ASA, HO VIDEO POLLOIAT ANI UPRANT HEA PROSNANCHE ZOBAB DIAT:
Depression-acho fuddo korunk, Nikki-n kitem kelem?
Apnnem dotorachi modot gheunk zai mhunn Nikki-k kiteak dislem?—Mt. 9:12
Nikki Jehovacher patieun aslem mhunn tannem koxem dakhoun dilem?