AMCHEM KRISTI JIVIT

Odhormi Lokank Jehovak Vollkhonk Modot Korat

Porgottnni kortana tumkam odhormi lok melltta tednam, tim aikonk toiar aschimnant oxem chintun, tumi tankam sakx diunk fatti sortat kai? Toxem zalear, zaito odhormi lok, toxench Dev na oxem mhunnttat te lok pasun, Jehovachim Sakxi zaleant mhunn ugddas dovrat. Choddxe pavtti, Dev ostitvant asa hache purave pollounk tankam thoddi modotichi goroz asta.—Rom. 1:20; 10:14.

UGDDAS DOVRAT—BHAVARTH NASLOLO LOK BHAVARTH DOVRUNK XOKTA!—ODHORMI LOK, HO VIDEO POLLOIAT ANI UPRANT HEA PROSNACHO ZOBAB DIAT:

Tommaso-chea onubhovantlean odhormi lokank sakx diunchea vixim tumi kitem xiklim?

Tumcho zobab

Hem koxem korchem?

“Dev asa mhunn hanv patiena,” oxem konnem-i tumkam mhunnttlem zalear, tache lagim doiall toren ani xanneponnan uloiat. To kitem sangta tem dhean diun aikat ani tachim bhavnam ani chintnam somzon gheunk proitn korat. (2Tim. 2:24) Taka avoddttat toslea vixoi-ancher uloiat. Ani to aikonk toiar asa zalear, Rochnnar asa mhunn patieunk toiar kelʼlim prokaxonam ani video uzar korat. Zoxem, tumi Was Life Created? ani The Origin of Life—Five Questions Worth Asking, heo pustika uzar korunk zatat. Tim tumkam Seve Pasot Mukhel Prokaxonam hantunt sompeponnim mellttolim.

Devacher patiena tea munxa lagim ulounk tumi ghoddie survatek fatti soronk xoktat. Tor tumi onubhov aslolea eka porgottnnarachi modot gheunk zata. Toxench, zor tim sasnachea jivitak favo asat zalear, sot tanchea kallzak pavonk Jehova tumkam modot korunk xokta mhunn visronakat.—D.I. 13:48.