Ugddas Dovrunk Chitram Kaddat

Amchea modlim zaitim zannam ami jem xiktat tem sompeponnim visortat zait, punn Jezuchi xikounn amkam ekdom bore toren ugddas urta. Karonn xikoitana to zaite pavtti udharonnam uzar kortalo. Tor tannem kitem xikoilʼlem tem ami amchea dolleam mukhar haddunk xoktat ani oxem kelʼlean tem ugddas dovrunk amkam modot zata. Heach bhaxen, ami kitem-i vachtat tednam tem amchea dolleam mukhar haddunk ami proitn korunk zata. Oxem kelʼlean, tem anik bore toren ugddas dovrunk amkam modot zatoli. Hem ami koxem korunk zata? Ami xiktana chitram kaddunk zata.

Thoddea lokank novem kitem xiktana chitram kaddlear tem anik bore toren ugddas urta. Chitram kaddlolean tankam fokot utranch nhoi punn mukhel mudʼde pasun ugddas dovrunk modot zata. Tim kolakar kaddttat toslim nhoi, punn ekdom sadim chitram kaddttat. Ek sodh amkam dakhoita, ki chitram kaddlolean khas korun zannttea lokank ugddas dovrunk faido zata..

Tor fuddle pavtt obheas kortana, tumi kitem xiktat tachim thoddim chitram kaddunk zatat. Oxem kelolean, tumkam kitlo boro ugddas urta tem zannam zalolean tumi ojap zaunk xoktat!