Tumcho Kuttumb Koso Khuxal Asonk Xokta?—Bhag 2

Bhurgem Jehova thaun ek moladik dennem zaun asa. Tor, avoi-bapaimnim bhurgeancho boro samball kelolo taka zai. Tea pasot, Devan avoi-bapaink Bible-ant bore solʼle dilʼle asat. Toxench, tannem bhurgeank pasun bore solʼle dilʼle asat. Ani he tim pallttat tednam ghorabo khuxal asonk xokta.

1. Jehovan avoi-bapaink koslo solʼlo dila?

Bhurgeank vaddounche vixim Bible bapaink oso solʼlo dita: “Jehovache khuxe pormonnem tankam. . . xikoun vhodd korat.” (Efezkarank 6:4 vachat.) Hem avoi-bapain koxem korunk zata? Avoi-bapui aplea bhurgeank Bible-antlea totvam pormonnem xikoitat. (Mhonnʼnneo 1:8) Toxench, tim tankam bore dekhin vaddoitat, tankam zaito mog ditat, zata titlo vell tanchea sangata sartat ani tankam vaitta thaun rakhonk khub vavurtat. Tor, tim hem soglem kortat ani bhurgeank vaddoupachi zobabdari dusreank dinastana, svota ghetat tednam Jehova khuxal zata.

2. Jehovan bhurgeank koslo solʼlo dila?

Jehova bhurgeank sangta: “Tumchea avoi-bapaichi adnea pallat.” (Koloskarank 3:20 vachat.) Tor, bhurgeamnim avoi-bapaichem aikonk zai ani tankam man diunk zai. Oxem kelʼlean, tanchim avoi-bapui ani Jehova pasun khuxal zatolo. (Mhonnʼnneo 23:22-25) Hea vixim bhurgeank Jezuchem ek borem udharonn asa. Jezu poripurnn aslo, tori astana to aplea avoi-bapaichem aikotalo ani tankam man ditalo. Tor, bhurgeamnim pasun toxench korunk zata.—Lukas 2:51, 52.

3. Eke familin Jehova pasot aplo mog koso vaddounk zata?

Avoi-bapaimnim aplea bhurgeank Jehovacho mog korunk koso xikounk zata? Bible sangta: “Ghorant visov ghetana; bhair-bhitor sortana, nhidtana ani utthtana [Jehovachim] utram tujea bhurgeank xikoitoloi ani tanchi khobor bhonvn-bhonvn kortoloi.” (Dusri Somurt 6:7) Bhurgeank ek vixoi ugddas uronk avoi-bapain tankam porot-porot sangonk zai. Tor, veg-veglli sondhi uzar korun tumi bhurgeank xikoitat tednam tim Jehovacho mog korunk pavtolim. Tumkam bhurgim asum vo nasum, tumchea familin Devachem Utor xikonk, dor sumanak kuttumbik bhokti korop gorjechem.

KHOLAIEN XIKAT

4. Tumchea bhurgeank mogan xikoiat

Choddxe pavtt bhurgeank xikounk sompem asona. Punn, Bible amkam modot korunk xokta. Koso? Jakob 1:19, 20 vachun sokol dilʼlea prosnanche zobab zannam zaum-ia:

• Avoi-bapaimnim aplea bhurgeam lagim uloitana koso mog dakhounk zata?

• Avoi-bapaimnim ragar astana aplea bhurgeank kiteak xist diunk favona?a

5. Tumchea bhurgeanchi rakhonn korat

Tumchea bhurgeanchi rakhonn korunk tanchea lagim sex-a vixim ulovop chodd gorjechem. Punn oxem korunk tumkam ghoddie kotthin zait. VIDEO polloun sokol dilʼlea prosnanche zobab zannam zaum-ia:

VIDEO: Vaitta Thaun Tumchea Bhurgeank Rakhat (2:58)

• Bhurgeam lagim sex-a vixim ulounk thoddea avoi-bapaink kiteak kotthin zata?

• Hea vixim bhurgeank somzaunk thoddea avoi-bapaimnim kitem kelam?

Soitanacho sonvsar chodd ani chodd vaitt zatolo mhunn Bible-ant sanglam ani aiz toxench zata. 2 Timotak 3:1, 13 vachun sokol dilʼlea prosnacho zobab zannam zaum-ia:

• Vers 13-a pormonnem, thodde noxtte lok aiz bhurgeancher loingik ritin otʼteachar kortat. Tor, avoi-bapaimnim aplea bhurgeank sex-a vixim xikovop ani toxench bhurgeamnim apli rakhonn koxi korunk zata tem xikovop kiteak gorjechem?

Tumi zannant?

Bhurgeank sex-a vixim xikounk ani tanchi rakhonn zaunk, Jehovache Sakxi avoi-bapaink modot korunk zaitim sadhonam toiar kortat. Udharonnak,

• Tumchea Bhurgeanchi Rakhonn Korat (video) polloiat.

• Learn From the Great Teacher, odheai 10 ani 32 polloiat.

• “Teaching Your Child About Sex” (Awake! No. 5 2016) polloiat.

6. Tumchea avoi-bapaink man diat

VIDEO: Mhojea Avoi-bapai Lagim Hanvem Koxem Ulounchem? (2:19)

• Bhurgim avoi-bapai lagim respedan uloitat tednam tankam koso faido zata?

• Bhurgeamnim avoi-bapai lagim uloitana tankam man koso diunk zata?

Mhonnʼnneo 1:8 vachun sokol dilʼlea prosnacho zobab zannam zaum-ia:

• Avoi-bapui solʼlo ditat tednam bhurgeamnim kitem korunk zai?

7. Sangata mellon kuttumbik bhokti korat

Jehovachim Sakxi dor sumanak ek vell kaddun aplea famili sangata mellon kuttumbik bhokti kortat. Tea vellar, tannim kitem-kitem korunk zata? VIDEO polloun sokol dilʼlea prosnanche zobab zannam zaum-ia:

VIDEO: Kuttumbik Bhokti—Oddchonneo Ani Besanvam (8:04)

• Dor sumanak kuttumbik bhokti korunk eka familin kitem korunk zata?

• Kuttumbik bhokte vellar bejar iena zaunk ani sogleank faido zaunk avoi-bapaimnim kitem korunk zata?—Hea odheai-achem survatechem chitr polloiat.

• Famili sangata mellon kuttumbik bhokti korunk tumkam kosli oddchonn ieunk xokta?

Jehovak zai aslem ki Israelitkaramnim veg-veglli sondhi uzar korun sodanch aplea famili sangata Devachea Utra vixim uloilʼlem. Dusri Somurt 6:6, 7 vachun sokol dilʼlea prosnacho zobab zannam zaum-ia:

• Hem totv tumi koxem lagu korunk zata?

Kuttumbik bhokti korunk thoddeo vatto:

• Mittinge pasot tumi toiari korunk zata.

• Tumche familik avoddtta tosli Bible-antli ek ghoddnni vachun tacher bhasabhas koruk zata.

• Tumkam bhurgim asat zalear, jw.org-acher activity for children, hem download korunk zata vo print korunk zata.

• Tumchim bhurgim tornnattim asat zalear, jw.org-acher tornnatteam pasot aslole lekh vachun tacher bhasabhas korunk zata.

• Bhurgeam sangata mellon Bible-antlea eka ghoddnnecher nattok korunk zata.

• Tumi jw.org-ant aslolo ek video polloun tacher bhasabhas korunk zata.

KITEM XIKLIM

Avoi-bapain bhurgeancho mog kelʼlo, tankam xikloilʼlem ani tanchi rakhonn kelʼli Jehovak zai. Toxench, bhurgeamnim avoi-bapaik man dilʼlo, tanchem aikolʼlem ani familin sangata mellon kuttumbik bhokti kelʼli taka zai.

Porot Ugddas Korum-ia

• Avoi-bapain bhurgeank xikounk ani tanchi rakhonn korunk kitem korunk zata?

• Bhurgeamnim aplea avoi-bapaik koso man diunk zata?

• Familin dor sumanak kuttumbik bhokti kelʼlean koso faido zata?

ANIK SODHAT

Tumi tumchea bhurgeank koslim lisanvam xikounk zatat jim tankam vhodd zata tednam pasun boreak poddttolim?

“Bhurgeamnim Xikonk Zai Tim Sov Lisanvam” (Awake! No. 2 2019)

Zannttea avoi-bapaicho samball kortat tanchea pasot Bible-ant kosle solʼle dilʼle asat tem zannam zaiat.

“Zannttea Avoi-Bapaincho Samball Korchea Vixim Bible Kitem Sangta?” (Web article)

Eka bapaik bhurgeank koxim vaddounchim ti khobor nasli. Tori punn, to ek boro bapui koso zaunk pavlo tem zannam zaiat.

Amche Familik Bore Toren Vaddounk Jehovan Xikoilem (5:58)

Eka bapain aplea puta sangata aplem natem koxem ghott korunk zata tem zannam zaiat.

“Bapain Aplea Puta Sangata Aplem Natem Koxem Ghott Korunk Zata?” (The Watchtower, November 1, 2011)