Top left: Marek M. Berezowski/Anadolu Agency via Getty Images; bottom left: Halfpoint Images/Moment via Getty Images; center: Zhai Yujia/China News Service/VCG via Getty Images; top right: Ismail Sen/Anadolu Agency via Getty Images; bottom right: E+/taseffski/via Getty Images
ZAGRUT RAVAT!
2023: Uskeamnim Bhorlolem Voros—Hea Vixim Bible Kitem Mhunntta?
2023-ant, ghoddloleo ghoddnneo polloileo zalear amkam spoxtt puravo melltta ki Bible-ant sanglam tea pormonnem ami “nimannea disamnim” jietat. (2 Timotak 3:1) Bible-ant sanglea teo ghoddneo aiz amchea kallar koxeo ghoddttat tem fuddem polloiat.
Bible ani sonvsarant ghoddttat teo ghoddnneo
“Zhuzancho avaz ani zhuzancheo khobro.”—Matev 24:6.
“Sonvsarbor veg-vegllea zagear zhuzam ani hinvsa vaddtta.”a
“Zhuzank Lagon Tras Zalʼlea Nagrikanchem Kitem?” ani “Sonvsarbhor Zhuzachea Hotʼtearam Pasot Don Lak Khotti Khorch Kela” he lekh vachat.
“Veg-vegllea zageancher bhuimkamp.”—Marku 13:8.
“2023 hea vorsachea survate thaun 7-a poros chodd magnitude-ache 13 bhiumkam zale. Bhuimkampachi magnitude mezunk laglea tednam thaun 7 magnitude-ache itle bhuimkamp kednanch zaunk nasle.”b
“Turkey Ani Siriant Bhirankull Bhuimkamp” ho lekh vachat.
“Bhirankull ghoddnneo.”—Lukas 21:11.
“Global warming-acho kall kabar zalo ani global boiling-acho kall suru zalo.”—António Guterres, UN secretary-general.c
“2023-ant Sonvsarbhor Gimachea Disamnim Ekdom Chodd Gormi” ho lekh vachat.
“Bhuk poddttoli.”—Matev 24:7.
“2023: Aplea familicheo jevnnacheo gorzo purnn korunk zankam kotthin zata tanchea pasot anik ek kotthin voros.”d
“Trasan bhorlolo oslo vell ietolo zacho fuddo korop khub kotthin zatolem.”—2 Timotak 3:1.
“Sonvsarbor atth lokam modlea ekleak mansik duens asa.”e
“Tornnatteanchi Mansik Bholaiki Bigddot Voita” ho lekh vachat.
2024-ant ami kitem opekxa korunk zata?
2024-ant kitem ghoddttolem tem konnuch sangonk xokona. Punn sonvsarant ghoddttat teo ghoddnneo polloilear amkam kolltta ki beginuch Dev munxanchem sorkar kaddun aplem Raj vo sorkar hea prithumer haddttolo ani amche sogle dukh-tras kaddun uddoitolo, taka lagon amkam kosloch usko aschona.—Daniel 2:44; Prokasovnni 21:4.
To poriant, amkam usko zata tednam ami Deva lagim modot magonk zai. Bible mhunntta:
“Jedna mhaka odik bhirant dista, tedna odik Tujer visvas dovortam.”—Stotr 56:3.
Amkam Devacher bhorvonso asa mhunn ami koxem dakhounk zata? Fuddarak dukh aschem na mhunn Bible-ant ji bhas dilea tea vixim anik zannam zaunk ami tumkam ieukar ditat. Bible-ant jeo bhasaunneo dileat tacho tumkam ani tumchea familik koso faido zaunk xokta tem zannam zaunk tumi funkott Bible xikonk proitn korat.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.