Tumi dovorlolo dhei tumi melloun gheunkuch xokonaslim zalear, tumi kainch valorachim nant oxem Jehova lekhchona. (2 Kor. 8:12) Tumchea mukhar ietat tea adkholleam thaun tumi kitem xikonk zata tea vixim chintat. Jehovache sevent tumi kitem melloun gheunk pavlim tem ugddas korat. Bible sangta: “Dev onit korina . . . tumi kelam tem Tachean visrunk zaina.” (Heb. 6:10) Tor tumi pasun tem visorchem nhoi. Tumi dovorlole khoinche dhei tumi melloun gheunk pavlim, tem ugddas korat. Ghoddie tumi Jehova sangata ixttagot zoddlea, vo tache vixim dusreank sanglam, vo tumi bautizm ghetla astolo. Tumi vavr korun poilim dovorlole dhei melloun gheunk pavlim toxim, vavr korit ravlolean tumi atam dovorlolo dhei pasun melloun gheunk pavtolim. Jehovache modotin tumi dovorlole dhei tumi melloun gheunk pavtat tednam, tumi khuxal zatolim. Tumcho dhei melloun ghetana, Jehova tumkam koso modot korta ani besanvam dita tea vixim chintun khuxal zaiat. (2 Kor. 4:7) Ani tumi soddun dinant zalear, Jehova tumkam anikui besanvam ditolo.​—Gal. 6:9. w23.05 31 ¶16-18

Jehova aplea lokancho mog korta ani tim taka manvololim asat mhunn sangonk taka khub khuxi bhogta. Bible-ant amkam osleo don ghoddnneo vachunk mellttat, jednam Jehovan Jezuk to aplo opurbaiecho Put ani to apleak manvola mhunn sanglem. (Mt. 3:17; 17:5) Tor heach bhaxen tumi pasun Jehovak manvololim asat mhunn tannem tumkam mhunnttlolem zai kai? Aiz Jehova sorgar thaun amche lagim uloina tem khorem. Punn to amche lagim Bible-a vorvim uloita. Xubhvortomanamnim ami Jezuchim utram vachtat tednam, eka orthan tim utram Jehovan amkam mhunnttlolea sarkem zaun asa. Karonn Jezun ekdom bore toren aplea Bapachi dekh ghetli. Tor aplea opurnn, punn visvaxi apostlank apli maniotai asa mhunn Jezun sanglolim utram Jehova amkam mhunntta oxem ami chintunk zata. (Juanv 15:9,15) Amcher dukh-tras ietat hacho orth ami Jehovachi maniotai hogddailea oxem nhoi. Khorem mhunnttlear, tea vorvim ami Jehovacho kitlo mog kortat ani tacher visvas dovortat tem dakhounk amkam ek sondhi melltta.​—Jak. 1:12. w24.03 28 ¶10-11

Tumi avoi-bapui zaun asat zalear, tumchea bhurgeank tanchea piraie pormonnem zobab diunk modot korat. Thodde pavtti gombhir vixoi, zoxem kazari jivitant ietat teo oddchonneo, vo noitik vixoi, hancher bhasabhas asta. Punn tea obheasant bhurgeamnim zobab diunk zatat, tosle-i ek vo don peregraf asonk xoktat. Toxench, tumchim bhurgim hat ubartat title-i pavtti tankam kiteak sondhi mellchina tem somzonk tankam modot korat. Oxem kelolean, tanchea bodlek dusreank sondhi melltta tednam, tim niraxi zaunchimnant. (1 Tim. 6:18) Amkam sogleank, Jehovak mhoima melltta ani bhav-bhoinnank urba ditat tosle zobab diunk ek bori sondhi asa. (Mho. 25:11) Ami kednam-i amcho onubhov sangtat tednam, amchea vixim ami chodd ulounchem nhoi. (Mho. 27:2; 2 Kor. 10:18) Tachea bodlek, Jehova Devacher, tachea Utracher ani amchea bhav-bhoinnancher dhean voita tosle zobab ami dium-ia.​—Prok. 4:11. w23.04 24-25 ¶17-18