Ami bhav-bhoinnam sangata ixttagot korun ani tanchea sangata vell sarun, tancho mog kortat mhunn dakhounk zata. (2 Kor. 6:11-13) Amchea modlim zaitim zannam osle sobhent voitat, zoim veg-vegllea sonskrutaiechim ani sobhavachim bhav-bhoinnam asat. Tor bhav-bhoinnanchea borea gunnancher dhean diun, ami tanchea pasot amcho mog vaddounk zata. Tor ami dusreank Jehovache nodren pollounk proitn kortat tednam, ami tancho mog kortat mhunn dakhoun ditat. Vhodd sonkoxttachea vellar, bhav-bhoinnancho mog korop gorjechem astolem. To sonkoxtt suru zatolo tednam Jehova amkam koso rakhtolo? Adlea kallar Babilonacher akromonn zalem tednam, Jehovan aplea lokank kitem nirdexon dilʼlem tacher dhean diat. Tannem mhunnttlolem: “Cholat, porje mhoje, tumchea ap-aplea kuddamnim vochat, tumche pattlean tumchim daram dhampat. Krodhacho zhopatto vocho porian ilo vogot lipun ravat.” (Iz. 26:20) Vhodd sonkoxttachea vellar, amkam pasun oslench nirdexon mellonk xokta. w23.07 6-7 ¶14-16

Ami somjikaiechim asat vo na tem zannam zaunk, ami amkanch he prosn vicharunk zatat. Zoxem, ‘Dusrim mhaka koslo munis mhunn vollkhotat? Somjikaiecho ani bodlav korunk toiar asa toslo, vo aplench khorem mhunn chintʼta ani ekdom koddok ani nixttur toren vagta toslo? Hanv dusreanchem aikotam, ani tim sangtat tem Bible-antlea totvam add na zalear, hanv tem manun ghetam kai? Tor jitlim ami dusreank somjikai dakhoitat, titlim ami Jehovachi ani Jezuchi dekh ghetat. Somjikai dakhovop mhunnttlear, amchi poristhiti bodolta tednam goroz tea pormonnem bodlav korop. Amchi poristhiti okosmat bodolta tednam, ami chintunk nant tosle tras amkam sosunk poddot. Zoxem, amkam ek gombhir duens zaunk xokta. Vo ami ravtat tea zagear, arthik poristhiti vo sorkarant okosmat bodlav zalolean, ratiam bhitor amchem jivit voir-sokol zaunk xokta. (Up. 9:11) Toxench, Jehovachea sevent amkam aslole zobabdarent bodlav zaunk xokta. Ami fuddem sanglolim char panvlam ghetlim zalear, amchi novi poristhiti apnnaunk amkam modot zatoli. Tim panvlam mhunnttlear: (1) amchi poristhiti bodolʼlea mhunn manun ghevop, (2) fatti kitem ghoddlem tacher nhoi punn fuddaracher dhean divop, (3) amchea jivitant kitem borem zata tea vixim chintop, ani (4) dusreank modot korop. w23.07 21-22 ¶7-8

Babilonkaramnim Danielak, tachea ganv-ghor Jeruzalema thaun ekdom pois Babilonant koidi korun vhelo. Tednam to tornnatto aslo. Babilonachea odhikareamnim, to ‘kuddin dhodd vo koslem-i unnemponn naslolo, rupest’ ani unch kulliecho aslo tem polloilem. Tor tannim tachem “bhailem rup” polloilem dekhun tankam to khub manvolo. (1 Sam. 16:7) Hea karonnank lagon, tannim taka rajmahalant seva korunk proxikxonn dilem. (Dan. 1:3, 4, 6) Punn Daniel kosle torecho munis aslo taka lagon Jehova tacho mog kortalo. Khorem mhunnttlear Daniel, Noah ani Joba bhaxen nitivont asa oxem Jehovan mhunnttlem. Noah-n ani Joban khub vorsam poriant visvaxiponnan Jehovachi seva kelʼli. Punn Jehovan, Daniel nitivont asa oxem mhunnttlolem tednam, to ghoddie fokot 20 vorsancho aslo zait. (Ut. 5:32; 6:9,10; Job 42:16,17; Ez 14:14 ) Daniel zaitim vorsam jielo ani tachea jivitant vhodd-vhodd oddchonneo aileo. Punn Jehovan taka kednach soddun diunk na, ani to tacho mog korit ravlo.​—Dan. 10:11,19. w23.08 2 ¶1-2