Tü nüshajalakat Lucas
3 Poloopa jaʼralimüin juya sünain aluwatawaa Tiberio, chi «César» münakai, nia aluwataaka Poncio Pilato saaʼu tü mmakat Judea. Herodes, aluwataashi saaʼu tü mmakat Galilea. Niasaʼa Filipo chi nuwalakai Herodes, nia aluwataaka saaʼu tü mmakalü Iturea jee saaʼu Traconítide. Otta müshia Lisanias nia aluwataaka saaʼu tü mmakalü Abilene. 2 Soʼu nükalia chi laülaashikai napüleerua na sacerdotekana chi kanüliakai Anás otta müshia chi kanüliakai Caifás, nüküjain Maleiwa nümüin Juan chi nüchonkai Zacarías, wanee pütchi chaa isashiipaʼa.
3 Nüküjaka pütchi Juan sainküinpünaa tü mma sotpünaakat tü süchikat Jordán. Shia nüküjaka woutiisainjatüin wayuu süpüla sülatinnajatüin saainjala suulia. 4 Shiaʼaya alataka tü nüküjatüjütkalia Isaías chi nünüikimaajachikai Maleiwa, tü makat mayaa: «Emetutsü maʼin nünüiki wanee wayuu chaa isashiipaʼa: ‹Yapa jutuma nüpüna Jehová,* wule shia jutuma. 5 Tü mma eekai keinoluin, ejinneesü mma süpaʼa. Tü uuchikat jee tü namünakat patajatshiinjatü, tü wopu eekai shokonooin lotuinjatü otta tü wopu eekai mojuin, anainjatü. 6 Shiʼreerü wayuu maʼleekalia tü nuʼtteʼerakalü akajee Maleiwa wayuu›».
7 Wainma na wayuu antawaikana nünainmüin Juan süpüla woutiisain naya nutuma, nümakalaka namüin: «Jiakana süchooinkana wüi outasiroʼu, ¿jarat aküjaka jümüin isajeenain jia suulia nüʼürüla Maleiwa? 8 Jaʼyainjatü jaaʼu jiyaawajaain suulia jaainjala. ‹Nia washikaʼaya Abrahán›, jümajayaaijeʼe. Nüchekülejeʼe chi Maleiwakai eesü süpüla nüikeyuujaain Abrahán türa ipakalüirua nutuma. 9 Kettaaitpa tü potkat süpüla süshottünajatüin tü wunuʼukat suurulanainjee. Wanee wunuʼu eekai nnojoluin anain süchon, ashottüneerü shia otta aʼajüneerü shia».
10 Nüsakinnaka Juan natuma na wayuukana jee namaka nümüin: «¿Kasakaʼa waaʼinrajatüin?». 11 Anuuka nünüiki namüin: «Chi eekai piamain nüsheʼin, anashi nüsülajüle nümüin chi eekai masheʼin otta chi eekai keküin, anashi nikiraale». 12 Jaʼitakajeʼe neʼe na achekajüliikana nneerü neʼipajee na sülaülakana mma, antüshii süpüla woutiisaa jee namaka nümüin Juan: «Ekirajüikalee, ¿kasakaʼa waaʼinrajatüin?». 13 Nusoutaka Juan namüin: «Nnojotsü alanaʼaleeinjatüin tü nneerü jüchekajakat, shiainjatü neʼe tü achuntunakat». 14 Nasakittaalaka joo na surulaatkana: «¿Kasakaʼa anain süpüla waaʼinrüin?». Anuukalaka nünüiki Juan namüin: «Nnojo jüsütüin sünneetse wayuu jee nnojo jüküjain alawaa süchiki. Anainjatü jaaʼin sümaa tü jükanainkat».
15 Naʼatapajüin na wayuukana nüntajachin Cristo jee nasakireʼerüin naaʼin nialejeʼe Juan chi Cristo münakai. 16 Nüpansaajaka Juan tia namüin sümaa nümüin namüin: «Woutiisashii jia tatuma shiroku wüin saaʼu jiyaawajaain suulia jaainjala. Akaajasaʼa chi anteechikai tachikumüin pülaleeshia maʼin nia. Nnojotkalaka süpüla tasiwatüin saalaja nukoʼusüin.* Woutiiseena jia nutuma sükajee nüpülain Maleiwa otta sükajee siki.* 17 Nümaʼanaitpa tü awaajiakat otta wuleerü nutuma tü niyüüjainkat. Nükotchojeerü tü trigokat otta nünaajeerü shia suluʼu tü anaajüleekat süchon pünajüt, akaajasaʼa tü suʼutalakat naʼajeerü shia süka wanee siki matüjainka ayokojowaa».
18 Nüchiaain Juan na wayuukana jee nüküjain pütchi anasü namüin. 19 Niasaʼa Herodes chi aluwataakai saaʼu tü mmakat Galilea, achiaanüshi nia nutuma Juan saaʼujee tü naaʼinralakat sümaa Herodías tü nuʼwayuusekat chi nuwalakai otta saaʼu süpüshuaʼa tü kasa mojusü naaʼinrakat. 20 Eesü wanee kasa mojusü naaʼinrakaʼaya, nüpüreesajirüin Juan.
21 Wanaa sümaa woutiisain na wayuukana, woutiisashiyaʼaya Jesús. Wanaa maʼin sümaa nuʼuraajüin sujutalaakalaka tü sirumatuʼukat, 22 süntakalaka tü nüpülainkat Maleiwa naaʼumüin Jesús suluʼu müin shia maʼaka saaʼin wanee toomasü. Saapünaka wanee pütchi chejee iipünaajee sünain maa: «Pia chi Tachon aishikai tapüla, talatüshi taya pümaa».
23 Eetaasü maʼaka saaʼin apünüin shikii nuuyase Jesús wanaa sümaa nuʼttuin sünain aʼyatawaa nümüin Maleiwa. Saashin wayuu,
nüchon nia José,
José, nüchon Helí,
24 Helí, nüchon Matat,
Matat, nüchon Leví,
Leví, nüchon Melquí,
Melquí, nüchon Janaí,
Janaí, nüchon José,
25 José, nüchon Matatías,
Matatías, nüchon Amós,
Amós, nüchon Nahúm,
Nahúm, nüchon Eslí,
Eslí, nüchon Nagái,
26 Nagái, nüchon Maat,
Maat, nüchon Matatías,
Matatías, nüchon Semeín,
Semeín, nüchon Josec,
Josec, nüchon Jodá,
27 Jodá, nüchon Joanán,
Joanán, nüchon Resá,
Resá, nüchon Zorobabel,
Zorobabel, nüchon Sealtiel,
Sealtiel, nüchon Nerí,
28 Nerí, nüchon Melquí,
Melquí, nüchon Adí,
Adí, nüchon Cosam,
Cosam, nüchon Elmadam,
Elmadam, nüchon Er,
29 Er, nüchon Jesús,
Jesús, nüchon Eliezer,
Eliezer, nüchon Jorim,
Jorim, nüchon Matat,
Matat, nüchon Leví,
30 Leví, nüchon Simeón,
Simeón, nüchon Judas,
Judas, nüchon José,
José, nüchon Jonam,
Jonam, nüchon Eliaquim,
31 Eliaquim, nüchon Meleá,
Meleá, nüchon Mená,
Mená, nüchon Matatá,
Matatá, nüchon Natán,
Natán, nüchon David,
32 David, nüchon Jesé,
Jesé, nüchon Obed,
Obed, nüchon Boaz,
Boaz, nüchon Salmón,
Salmón, nüchon Nahsón,
33 Nahsón, nüchon Aminadab,
Aminadab, nüchon Arní,
Arní, nüchon Hezrón,
Hezrón, nüchon Pérez,
Pérez, nüchon Judá,
34 Judá, nüchon Jacob,
Jacob, nüchon Isaac,
Isaac, nüchon Abrahán,
Abrahán, nüchon Taré,
Taré, nüchon Nacor,
35 Nacor, nüchon Serug,
Serug, nüchon Reú,
Reú, nüchon Péleg,
Péleg, nüchon Éber,
Éber, nüchon Selá,
36 Selá, nüchon Cainán,
Cainán, nüchon Arpaksad,
Arpaksad, nüchon Sem,
Sem, nüchon Noé,
Noé, nüchon Lamec,
37 Lamec, nüchon Matusalén,
Matusalén, nüchon Enoc,
Enoc, nüchon Jared,
Jared, nüchon Mahalaleel,
Mahalaleel, nüchon Cainán,
38 Cainán, nüchon Enós,
Enós, nüchon Set,
Set, nüchon Adán,
Adán, nüchon Maleiwa.