Nükalioʼu Enoc sünainmüinreʼeya nükalioʼu Samuel

Alatüsü soʼunnaa 2.200 juya tü aküjünakalü achiki suluʼu shiʼipa 1. Ekirajaweena waya palajana nüchiki Enoc, joʼuushi nia kataiwaʼaya noʼu Adán. Ekirajaweena waya nüchiki Samuel sajaʼttiamüin shiʼipa 1. Nia aneekakai chi palajachikai aluwataain saaʼu Israel. Ekirajaweena waya nachiki waneinnua wayuu tooloyuu otta jieyuu yalayalakana aaʼin. Wayuukana naainnua nia Noé, Abrahán, Sara, Moisés, Rahab, Débora otta Gedeón. Eeshii na oʼunakana suluʼupünaa mma wattapünaa otta eeshii na atkaakana nüpüleerua Jehová. Naaʼinrüin tü aluwataanakalü anain naya nutuma Maleiwa süka yalayalain naaʼin otta alin nia napüla.