Suluʼujeena wanee mma anashaatasü maʼin na oʼttaajeenakana sajaʼttinnapa kasa süpüshuaʼa.
¿Kasa shikirajaka tü Wiwüliakat?
¿Alüʼütsüche sükalia süpüla sajaʼttajatüin kasa süpüshuaʼa?
Eeshii eekai namüin:
«Aa»
«Nnojo»
«Jamüin paajüin»
¿Jamajaʼa saaʼin pümüin?
Tü sümakat tü Wiwüliakat
«Anakaja piyaawatüle saaʼu jamüinjatüin tü kaʼikat mapeena sülüʼütpa sükalia sajaʼttüinjatüin tü kasakat süpüshua. Shiimüin sünain müliainjatüin maʼi wayuu süpüshua» (2 Timoteo 3:1). Sutuma shikeraajüin sünüiki tü Wiwüliakat jee sutuma tü alatakat maaʼulu, wayaawata aaʼu sülüʼülüin sükalia sajaʼttajatüin kasa süpüshuaʼa.
¿Kasa maa süküjaka tü Wiwüliakat?
Süka pejein sükalia sajaʼttajatüin kasa süpüshuaʼa, eesü atkawaa, jamü, akutkujaasü mmakat sainküin mma otta joutsü tü ayuuliikat (Mateo 24:3, 7; Lucas 21:11).
Süka pejein sükalia sajaʼttajatüin kasa süpüshuaʼa, amojujaasü maʼin sukuwaʼipa wayuu (2 Timoteo 3:2-5).
¿Jameetche sukuwaʼipa wayuu mapaʼaya?
Tü namakat waneeinnua wayuu Naashin waneeinnua wayuu, ajaʼlajaainjatü tü Mmakat sümaʼaleʼeya wayuu süpüshuaʼa. Eetaashii na anoujakana sünain sunouktaajeerüin tü Mmakat jee sukuwaʼipa wayuu. ¿Jamüsüjaʼa pünüiki süchiki tia?
Tü sümakat tü Wiwüliakat
«Tü mmakat namüinjatü na lotokana akuwaʼipa otta kepiainjana waneepia saaʼu» (Salmo 37:29, TNM).
¿Kasa maa süküjaka tü Wiwüliakat?
Ajaʼttajatü tü mojulawaakat süntapa sükalia sajaʼttajatüin kasa süpüshuaʼa (1 Juan 2:17).
Aʼwanajaweerü tü Mmapaʼakat, paʼaraiiseerü shia (Isaías 35:1, 6).