Wekirajaainjatka anain süpüla aʼyatawaa nümüin Maleiwa

Semaana oʼttaka settienpüroʼu 8

Eeʼirajia 204

10 min. Aküjünajatka wamüin. Püsakira na wawalayuukana jarat tü pütchi anakat maʼin namüin na wayuukana. Jarat tü asakiraa naainjakat otta tü pütchi naashajeʼerakat suluʼujee tü Wiwüliakat. Piiʼiyata jamüinjatüin süküjia pütchi süka tü rewiisütakalüirua.

15 min. Tü waaʼinrajatkat süpüla wakaaliinjüin na wekirajüinkana süpüla anain nekirajia. Pütchi ayuʼluushi sünainjee La Atalaya ojuʼitaka eneeroʼu 15 soʼu 2007 süpana 29 otta 30, pütchi 14 sünainmüin 20. Piiʼiyata nükajee wanee wawala eere nüküjüin nümüin wanee jekechi ekirajaain sünain tü Wiwüliakat süchiki tü pütchi süpülajatkat wayuu süpüshuaʼa otta ekirajawaa sünain La Atalaya jee nuunejaaka nia sünain tü outkajawaakat.

20 min. Kasa waaʼinrajatka süpüla eejiraain waya namaa na wayuu mojukana anüiki wamüin sünain aküjaa pütchi. Nia ekirajüinjachika wanee laülaashi suluʼu tü outkajaaleekat. Ayuʼnnajatü sünainjee wanee karaloukta aashajaaka süchiki tia. Püküja tü waaʼinrajatkat süpüla eejiraain waya namaa na wayuu mojukana anüiki wamüin. Eesü süpüla sünoʼutaain nanüiki otta naapajeein tü waküjakat namüin sutuma tü wakuwaʼipakat sünain aküjaa pütchi otta sünain aaʼinraa waneeirua kasa. Müsüjeseʼe choʼujaain jülüjüin waaʼin tü wanüikikat otta tü wakuwaʼipakat eepünaale waya. (1 Ped. 2:12; 3:1, 2). Püküja süchiki piama jee apünüinsü kasa alataka namüin na wawalayuukana eere kepiain pia jee shiale tü aküjünakat suluʼu tü karalouktakalüirua.

Eeʼirajia 127

Semaana oʼttaka settienpüroʼu 15

Eeʼirajia 94

10 min. Aküjünajatka wamüin otta tü pütchi suluʼukat Waʼyataain Nümüin Maleiwa.

20 min. ¿Jamüsü wakuwaʼipa sünain aʼyatawaa nümüin Maleiwa soʼu tü juya alatakat? Ekirajawaa namaa na wawalayuukana. Nia ekirajüinjachika chi wawala jülüjakai aaʼin tü aküjaakat pütchi jee niale wanee laülaashi atüjakai. Püküja süchiki tü aʼyatawaa naainjakat na wawalayuukana suluʼu tü outkajaaleekat soʼu tü juya alatakat, shia püküjüinjatka maʼin tü kasa anasü naainjakat. Süchikijee pütalateʼerüin naaʼin saaʼu tü naʼyataainkat, püneeka wanee jee piama wawalayuu süpüla püsakirüin naya sünain tü kasa anasü alatakat namüin sünain aküjaa pütchi. Püküja süchiki wanee jee piamasü kasa naʼyataainjatka anain na wawalayuukana soʼu tü juya jeketkat otta püküja tü naaʼinrajatkat süpüla nasaʼwatüin shia.

15 min. ¿Jamüsü süpüla teeʼiyatüin eein chi kakumalakai tü kasakalüirua? Ayuʼnnajatü sünainjee wanee karaloukta wamaʼanaka. Püsakira na wawalayuukana jamüin shiiʼiyatia natuma eere nekirajaain, naʼyataain jee eepünaale naya eein chi kakumalakai tü kasakalüirua. Aneekünajana wanee jee piama wawalayuu süpüla naküjüin süchiki tü naainjakat.

Eeʼirajia 51

Semaana oʼttaka settienpüroʼu 22

Eeʼirajia 104

10 min. Aküjünajatka wamüin. Paashajeʼera tü karaloukta sümaajatkat tü nneerü nejitakat na wawalayuukana otta tü karaloukta aluwataanakat Weteelüjee sümaajatka tü nneerü aluwataanakalinkat. Paashajaa süchiki tü karaloukta aluwataanakat Weteelüjee suluʼuka süpana 1.

20 min. Aapüneerü wamüin kasa anasü sutuma tü waainjakat. Ayuʼluushi sünainjee La Atalaya ojuʼitaka apüriit 15 soʼu 2005, süpana 28 pütchi 6 sünainmüin süpana 29. Püsakira wanee jee piama wawalayuu eeka naküjüliin maʼin pütchi, jamüin nakaaliinjia nutuma Jeowa sünain tü kasa choʼujaakat namüin jee wanaa sümaa mojuin naaʼin.

15 min. Yapa waya süpüla waküjüin pütchi süka La Atalaya ojuʼitaka ouktupüroʼu 1 otta !Despertad! ojuʼitaka ouktupüroʼu. Süchikijee püküjüin motsoʼo tü pütchi suluʼukat tü rewiisütakalüirua, püsakira na wawalayuukana jarat tü pütchi anakat maʼin namüin na wayuukana otta jamüsü anaka shia. Püsakira jarat tü pütchi anakat maʼin sünainjee tü neeʼiyatajatkat namüin na wayuukana. ¿Jarat tü asakiraa waaʼinrajatkat otta tü pütchi waashajeʼerajatkat suluʼujee tü Wiwüliakat süpüla woʼttuin sünain aashajawaa namaa na wayuukana? Piiʼiyata jamüinjatüin süküjia pütchi süka tü rewiisütakalüirua, süpüla tia piʼrajaa tü sümakat Waʼyataain Nümüin Maleiwa suluʼu süpana 4. Puchunta nümüin wanee laülaashi suluʼu tü outkajaaleekat niiʼiyataiwa süküjia tü pütchikat sükajee wanee pütchi anaka namüin na wayuukana suluʼujee tü rewiisütakat sümaa jülüjüin naaʼin nakuwaʼipa na wayuu waküjakana amüin pütchi.

Eeʼirajia 190

Semaana oʼttaka settienpüroʼu 29

Eeʼirajia 45

10 min. Aküjünajatka wamüin. Püküja namüin na aküjüliikana pütchi napütaiwa tü karaloukta naʼyataainmaajatkat nümüin Jeowa soʼu tü kashikat settienpüroʼu. Püsakira wanee jee piama wawalayuu süchiki tü alatakat namüin sünain aküjaa pütchi soʼu tü outkajawaa apünüinkat kaʼi otta wanaa sümaa neemeraain jekenainka suulia tü kasa naainjakat.

15 min. Tü anoʼuteʼennüinjatkat eere woutkajaain.

20 min. «¡Aküjaa pütchi anaka maʼin! soʼujee ouktupüroʼu 20 sünainmüin nowienpüroʼu 16.»a Müleka eere tü karalouktakat, aapünajatü waneesia namüin na jutkatakana. Wanaa sümaa pikirajüin sünain tü pütchikat 2, paashajaa süchiki tü pütchi suluʼukat tü karalouktakat. Pikirajaapa sünain tü pütchikat 4, piiʼiyata jamüinjatüin süküjia pütchi süka. Wanaa sümaa pikirajüin sünain tü pütchikat 5, piiʼiyata nükajee wanee wawala tü aainjünajatkat süpüla oʼttaa sünain ekirajaa wouyantapa eemüin wanee wayuu.

Eeʼirajia 9

Semaana oʼttaka ouktupüroʼu 6

Eeʼirajia 15

10 min. Aküjünajatka wamüin.

15 min. Asakinnaka anain. Ekirajawaa namaa na wawalayuukana. Püküja süchiki tü sümakat La Atalaya ojuʼitaka Juunioʼu 15 soʼu 2005, süpana 20 sünainmüin 22, pütchi 10 sünainmüin 16.

20 min. «Pikiraja naya süpüla alinjachin Jeowa napüla.»b Puchunta namüin na jutkatüshiikana naküjai tü pütchi suluʼujeejatkat tü Wiwüliakat.

Eeʼirajia 132

[Pütchi]