5 ¿Ajaʼtteetche tü wamüliainkat soʼu wanee kaʼi?
¿Jamüsü watüjaainjatka saaʼu tia?
Weʼitaale waaʼin sünain sajaʼtteerüin tü wamüliainkat soʼu wanee kaʼi, aneerü tü jülüjakat waaʼin otta arütkaweena waya nünainmüin Maleiwa.
Jülüjataa paaʼin tüü
Watta naalii na wayuu ajaʼttireekana tü wamüliainkat, isapejeʼe nachiki naaʼinrüin tia. Anuu waneirua kasa alataka:
Mayaapejeʼe wainmain kasa naaʼinraka na tottootkana...
... ayatüsia neʼe saaʼinsirüin wayuu sainküin Mmakat.
... watta naalii na outakana juyawai sutuma kanset.
... naashin David Bloom suluʼu tü rewiisütakat Frontiers in Immunology, «ayatüsia eein ayuulii aika maʼin sainküin Mmakat. Kooʼomüintataatsü maʼin tü ayuuliikat. Akaʼaya tü ayuulii sümaiwajatkat, eitaasü süchikuaʼaya».
Mayaapejeʼe eein mma eere joouluin tü washirüükat...
... ayatüshiʼiya outuin watta naalii tepichi eere maʼletsein wayuu.
... watta saalii wayuu kepiaka saʼaka yarütshii süka nnojoluin sukotchojinnüin tia natuma na sülaülashiikana mma.
... watta naalii wayuu kepiakana eere nnojoluin wüin wulesü.
Mayaapejeʼe sütüjaanüin aaʼu tü kasa anasü aaʼinnajatkat sümüin wayuu...
... eeyülia wayuu achepchieeka suluʼu waneirua mma. Saashin Naciones Unidas, suluʼu tü mma eere achepchieein wayuu, nnojotsü jamajatüin tia namüin na waneinnua jee isasü nachiki tü sukuwaʼipainjatkat süpüla najaʼttirüin shia.
PÜTÜJEERE SOOʼOMÜIN
Pünaja suluʼu jw.org tü videokot ¿Kasa wayu tü Nuluwataayakat Maleiwa?
Tü sümakat tü Wiwüliakat
Kachipünaashii waya naaʼin Maleiwa
Aisü nümüin Maleiwa weʼrüin müliaa.
«Süka jamüin, nnojotsü akulajaain naaʼin nümaa wanee wayuu eekai müliain atumawaa. Nnojoishi nia niyüülajüin. Naapüin nünüiki soʼu nuchuntashaatain kaalinwaa nümüin» (SALMO 22:24).
«Saaʼu jütüjaaichipain naaʼu Maleiwa sünain nuuntüin naaʼinmajüin jia, jüküja jümaala nümüin süpüshualeʼeya tü ashapataakat atüma jaaʼin süpüla suuʼulaainjatüin juulia tü ashapatawaakat aaʼin» (1 PEDRO 5:7).
Nnojoleena müliain waya waneepia
Saashin tü Wiwüliakat, najaʼttireerü Maleiwa tü wamülialakat.
«Nümülialeena naya. Müiria nnojolüin ouktaa, mojuu aaʼin, aʼyalajaa, je saalii ayuulii» (ALATEETKAT MAPEENA [APOCALIPSIS] 21:3, 4).
Najaʼttireerü Maleiwa süpüshuaʼa tü müliakalü atuma waaʼin
Naaʼinreerü tia sükajee tü Sukuwaʼipakalü Aluwatawaa nutuma. Anasü maʼin tia aluwataayakat saashin tü Wiwüliakat.
«Nüikaleʼerüinjatü chi Maleiwa sirumatuʼujeʼewaikai sukuwaʼipa wanee aluwatawaa eeinjatka süpüla kaʼikat süpüshuaʼa. Nnojoleerü jaralüin alaülaajaain saaʼu [...], shieetkalaka eein waneepia tü nuluwataayakat» (DANIEL 2:44).