¿Eejeetche wanee kaʼi nnojoleetkalü oʼu müliain wayuu?

TÜ SÜMAKAT TÜ BIBLIAKAT

«Nülaʼateerü [Maleiwa] suʼwuira noʼu. Müiria nnojoluin outaa, aʼyalajaa, mojuu aaʼin otta saalii ayuulii» (Apocalipsis 21:3, 4, Traducción del Nuevo Mundo).

¿JAMÜSÜ ANEETKA WAKUWAʼIPA WATÜJAALE SAAʼU TIA?

Watüjaajeerü aaʼu nnojolin niain kasirüin Maleiwa tü kasa mojusü alatakat maaʼulu (Santiago 1:13).

Aneerü waaʼin süka watüjaaitpain saaʼu alin nümüin Maleiwa tü wamülialakat (Zacarías 2:8).

Waʼatapajeerü nnojoleerüin kasain müliain atuma waya (Salmo 37:9-11).

¿JAMÜSHII WANOUJÜINJANAKA SÜNAIN TÜ SÜMAKAT TÜ BIBLIAKAT?

Eesü piamasü kasa wanoujainjatka atuma tia:

• Niyouta achikirü Maleiwa müliain waya. ¿Jamüsü naaʼin Maleiwa sutuma müliain atumawaa na israelitakana sümaiwa paala? Saashin tü Bibliakat aisü nümüin Jehová namüliala na israelitakana saaʼujee müliain naya atumawaa (Jueces 2:18).

  Üttüsü naaʼin Maleiwa nanain na wayuu müliakana atuma na waneinnua. Saashin tü Bibliakat üttüsü naaʼin Maleiwa nanain na «oʼutakana saaʼin wayuu eeka maainjalain» (Proverbios 6:16, 17).

• Naaʼinmajüin Maleiwa na wayuukana waneʼewai nakua. Nütüjaa aaʼu Jehová kasain müliain atuma waya. Nuchuntuin wamüin waküjainjatüin nümüin tü kasa shapaakalü atuma waaʼin süka naaʼinmajüin waya (1 Pedro 5:7).

  Alüʼütsü süpüla süntüin tü Sukuwaʼipakat Aluwatawaa nutuma Maleiwa makalaka sülüʼülüin süpüla nnojoleerüin müliain wayuu (Mateo 6:9, 10). Sümaʼainruʼu süntüin kaʼikat tia, nükaaliijain Maleiwa na wayuu arütkaakana nünainmüin sünain achuntaa kaalinwaa (Aluwataaushikana 17:27; 2 Corinto 1:3, 4).