Aipüralii waya maʼaka naaʼin Jehová

1. Oʼunushii waya nüchiirua Maleiwa.

Aipürai maʼin Jehová.

Jaʼyasü maʼin tia saaʼu nukuwaʼipa waneepia,

meeshii waya maʼaka Jehová.

Nuʼtteʼerüin waya nükajee Nüchonkai

jee aishii waya nüpüla Maleiwa.

Motusü naaʼin Jehová mojukat watuma.

Aipürai maʼin Washikai Jehová.

2. Aijiraa waya waneʼewai wakua,

shiimainjatü waalinña.

Wakaalinjiraa waneepia wapüshuaʼa.

Waaʼinreein maʼin tia suluʼujee waaʼin.

«Aishaanashi Jehová tapüla waneepia»

wamüle sümaa maalin na waneinnua,

müshi maalinkai naaʼin wapüla Maleiwa.

Ai maʼin wayuu wapüla maaʼulu.

3. Nüsoʼirüin maʼin waaʼin Washikai Maleiwa

saaʼu nüchooin joo waya.

Jülüja maʼin jaaʼin jukuwaʼipa waneepia:

«Paaʼinwaa maʼin jia, jaaʼinmajiraa».

Anoutaasü soʼukai wakuwaʼipa shiʼipaʼaya

paapüin joo wamüin püpülain Maleiwa.

Motusia maʼin waaʼin mojukat natuma.

Aipüralii waneepia waya.